Jaggareddy : పదేళ్లలో నేనే సీఎం..!
ABN , First Publish Date - 2023-10-24T07:32:53+05:30 IST
కాంగ్రెస్ ఎమ్మెల్యే జగ్గారెడ్డి కీలక వ్యాఖ్యలు చేశారు. విజయదశమి ఉత్సవాల్లో భాగంగా సంగారెడ్డిలో ఓ కార్యక్రమంలో పాల్గొన్న ఆయన వచ్చే పదేళ్లలో తాను తెలంగాణకు ముఖ్యమంత్రి అవుతానని చెప్పారు.
సంగారెడ్డి : కాంగ్రెస్ ఎమ్మెల్యే జగ్గారెడ్డి కీలక వ్యాఖ్యలు చేశారు. విజయదశమి ఉత్సవాల్లో భాగంగా సంగారెడ్డిలో ఓ కార్యక్రమంలో పాల్గొన్న ఆయన వచ్చే పదేళ్లలో తాను తెలంగాణకు ముఖ్యమంత్రి అవుతానని చెప్పారు. విజయదశమి సందర్భంగా తన మనసులో మాట చెబుతున్నట్టు జగ్గారెడ్డి వెల్లడించారు. ఇప్పుడీ వ్యాఖ్య రాజకీయ వర్గాల్లో చర్చనీయాంశంగా మారింది. సంగారెడ్డి అంటే జగ్గారెడ్డి అని.. జగ్గారెడ్డి అంటే సంగారెడ్డి అని దీనిని ఎవరూ కాదనలేరని అన్నారు.
ఇంకా చాలా విషయాలను పంచుకునే వాడినని.. కానీ ఎన్నికల కోడ్ నేపథ్యం తన నోరు, చేతులు కట్టేశారని జగ్గారెడ్డి అన్నారు. తాను ఇచ్చిన మాటకు కట్టుబడి ఉంటానని తెలిపారు. నియోజకవర్గంలో తాను అందుబాటులో ఉన్నా లేకున్నా తన భార్యతో పాటు అనుచరులు అందుబాటులో ఉంటారన్నారు. తమ పార్టీ కార్యకర్తలకు ఏ అవసరం వచ్చినా వెంటనే అక్కడే ఉంటానన్నారు. తనపై ఎప్పటికీ ప్రజల ఆశీర్వాదం ఉండాలని కోరుకుంటున్నట్టు జగ్గారెడ్డి తెలిపారు.
