Chada Venkatreddy: చంద్రబాబు అంశాన్ని భూతద్దంలో పెట్టి ఎందుకు చూస్తున్నారు?

కరీంనగర్: టీడీపీ అధినేత చంద్రబాబు నాయుడు అరెస్టు (Chandrababu Arrest) కక్షపూరితంగా ఉందని సీపీఐ జాతీయ కార్యవర్గ సభ్యుడు చాడ వెంకట్ రెడ్డి (CPI Leader Chada Venkat reddy) విమర్శించారు. సోమవారం మీడియాతో మాట్లాడుతూ.. వాస్తవాలు త్వరలోనే బయటకు వస్తాయన్నారు. ధర్మం, న్యాయం గెలుస్తుందని అన్నారు. చంద్రబాబు అంశాన్ని భూతద్దంలో పెట్టి ఎందుకు చూస్తున్నారని ప్రశ్నించారు. జగన్ ప్రభుత్వం శాశ్వతం కాదన్నారు. చంద్రబాబు కొత్త పథకాలకు రూపకర్త అని తెలిపారు. హైదరాబాద్ అభివృద్ధిలో చంద్రబాబు పాత్ర ఉందన్నారు. ఆధారాలు లేకుండా బాబును అరెస్ట్ చేశారన్నారు. చంద్రబాబు ఇమేజ్ దెబ్బతీసే ప్రయత్నం జరుగుతోందన్నారు. జగన్ ప్రజల విశ్వాసం పొందాలని సూచించారు. ఈ రోజు జగన్ చేసింది రేపు బాబు చేస్తారని.. చెడపకురా చెడేవు అని అందుకే అంటారని చాడ వెంకట్‌రెడ్డి పేర్కొన్నారు.