Minister Talasani: సీఎం కేసీఆర్ విజన్ ఉన్న నాయకుడు

సిద్దిపేట: ముఖ్యమంత్రి కేసీఆర్ (CM KCR) విజన్ ఉన్న నాయకుడని.. ఈ పనికిరాని చెత్త ప్రతిపక్ష పార్టీలు కళ్ళు ఉండి చూడలేని పరిస్థితుల్లో ఉన్నారని మంత్రి తలసాని శ్రీనివాస్ యాదవ్ (Minister Talasani Srinivas Yadav) విమర్శలు గుప్పించారు. బుధవారం మర్కుక్ మండలం కొండపోచమ్మ సాగర్‌లో 14 లక్షల 35 వేల చేప పిల్లలను మంత్రి వదిలారు. ఈ సందర్భంగా తలసాని మాట్లాడుతూ... గత ప్రభుత్వాలు మత్స్సకారులు ఉన్నారనే విషయం మరిచిందని.. 100 శాతం ఉచ్చితంగా చేప పిల్లలను పంపిణీ చేసేది తెలంగాణ రాష్ట్రమే అని అన్నారు. మటన్, చికెన్ కంటే చేపలతోనే ఆరోగ్యం బాగుంటుందని వైద్యులు చెపుతున్నారన్నారు. చేపలు పట్టుకునే వారికి 4 లక్షల ఐడీ కార్డులు.. వేయి కోట్ల రూపాయలతో వాహనాలు, జాలరులకు రైన్ కోర్టులను ప్రభుత్వం అందించిందన్నారు. 18 సంవత్సరాలు నిండిన వారందరికీ మెంబర్షిప్ ఉండాలనేది ప్రభుత్వం లక్ష్యమని.. కొంత మంది మూర్కులకు కళ్ళు కనిపించవని మండిపడ్డారు. కొండ పోచమ్మలో నీళ్లు లేవు ఉట్టిగానే కట్టారని కొంతమంది ప్రతిపక్ష నేతలు మాట్లాడుతున్నారని మంత్రి తలసాని శ్రీనివాస్ యాదవ్ ఆగ్రహం వ్యక్తం చేశారు.