Road Accidents: కారు బోల్తా... ప్రమాదాన్ని చూస్తూ వెళ్తున్న ఆటో సైతం..
ABN , First Publish Date - 2023-02-15T11:19:35+05:30 IST
జిల్లాలోని చిన్నకోడూర్ మండలం ఇబ్రహీంనగర్ వద్ద వరుస రోడ్డు ప్రమాదాలు కలకలం రేపుతున్నాయి.
సిద్దిపేట: జిల్లాలోని చిన్నకోడూర్ మండలం ఇబ్రహీంనగర్ వద్ద వరుస రోడ్డు ప్రమాదాలు (Road Accidents) కలకలం రేపుతున్నాయి. బుధవారం ఉదయం జరిగిన రోడ్డు ప్రమాదాల్లో పలువురు గాయపడ్డారు. వారిలో స్కూల్ విద్యార్థులు (School Students) కూడా ఉన్నారు. ముందుగా హైదరాబాద్ (Hyderabad) నుంచి గోదావరిఖని (Godavarikhani) వైపు వెళ్తున్న కారు ఇబ్రహీంనగర్ వద్ద అదుపుతప్పి బోల్తా పడింది. ఈ ప్రమాదంలో కారు డ్రైవర్ అక్కడికక్కడే మృతి చెందగా.. నలుగురు గాయపడ్డారు. కారులో మొత్తం ఐదుగురు ఉన్నారు.
అలాగే ప్రమాదం జరిగిన స్థలం వద్దే విద్యార్థుల (Students)ను తీసుకువెళ్తున్న ఆటో ప్రమాదానికి గురైంది. మోడల్ స్కూల్ విద్యార్థుల (Model School Students)ను స్కూల్‌కు తీసుకెళ్తున్న ఆటో ప్రమాద స్థలం వద్ద స్లో కాగా, వెనక నుంచి మరో కారు వేగంగా వచ్చి ఢీకొట్టింది. ఈ ప్రమాదంలో ముగ్గురు విద్యార్థులకు గాయాలయ్యాయి. సమాచారం అందిన వెంటనే పోలీసులు అక్కడకు చేరుకుని గాయపడిన వారిని హుటాహుటిన సిద్దిపేట జీజీహెచ్‌కు తరలించారు. విషయం తెలిసిన వెంటనే మంత్రి హరీష్ రావు జీజీహెచ్‌కు చేరుకున్నారు. ప్రమాదంలో గాయపడి చికిత్స పొందుతున్న విద్యార్థులను మంత్రి పరామర్శించారు. విద్యార్థులకు మెరుగైన వైద్య చికిత్స అందించాలని ఆస్పత్రి సిబ్బందికి మంత్రి హరీష్‌రావు ఆదేశాలు జారీ చేశారు.
రోడ్డు ప్రమాదాల్లో గాయపడిన వారు వీరే...
నవ్య (28)
కవిత (52)
మహేష్ (27)
భారతి (50)
విద్యార్థులు....
అంబికా(13) - పెద్దకోడూర్
అశ్రుత్ (12) - పెద్ద కోడూరు
భాను ప్రకాష్(15) - చిన్న కోడూరు
