MP: కాంగ్రెస్‌ టికెట్‌ దక్కకపోతే మా పార్టీలోకి రండి.. మేమిస్తాం...

హైదరాబాద్‌, (ఆంధ్రజ్యోతి): కాంగ్రెస్‌ పార్టీలో టికెట్‌ ఆశించి భంగపడిన నేతలు మజ్లిస్‌ పార్టీలోకి రావాలని ఆ పార్టీ అధ్యక్షుడు, హైదరాబాద్‌ ఎంపీ అసదుద్దీన్‌ ఒవైసీ(Hyderabad MP Asaduddin Owaisi) సూచించారు. మజ్లిస్‌ పార్టీలోకి వచ్చినవారికి సముచిత గౌరవం లభిస్తుందన్నారు. మంగళవారం పార్టీ ప్రధాన కార్యాలయం దారుల్‌సలాంలో ఏర్పాటు చేసిన విలేకరుల సమావేశంలో అసదుద్దీన్‌ ఒవైసీ మాట్లాడారు. ఈ అసెంబ్లీ ఎన్నికల్లో పార్టీ తరఫున పోటీ చేసే అభ్యర్థుల జాబితాను నోటిఫికేషన్‌ వెలువడిన తర్వాత ప్రకటిస్తామన్నారు. మజ్లిస్‌ ఎవ్వరికీ బీ టీం కాదని స్పష్టం చేశారు. కాంగ్రెస్‌ పార్టీ రాష్ట్ర అధ్యక్షుడు ఆర్‌ఎ్‌సఎస్‌ నేథప్యం ఉన్న వ్యక్తి అని ఆయన ఆరోపించారు. తెలంగాణలో కేసీఆర్‌ మూడోసారి ముఖ్యమంత్రిగా ఎన్నిక కావడం ఖాయమని అన్నారు. బీఆర్‌ఎస్‌ మేనిఫెస్టో పేదలకు మేలు చేసేదిగా ఉందని ఆయన అన్నారు.