Uttam Kumar Reddy: సమాచారం లేదు.. నేను వెళ్లటం లేదు: ఉత్తమ్‌

సూర్యాపేట: నల్లగొండ జిల్లా (Nalgonda District) కేంద్రంలో ఈ నెల 21న టీపీసీసీ ఆధ్వర్యంలో నిర్వహించనున్న నిరుద్యోగ నిరసన దీక్ష నిర్వహణపై తనకు సమాచారం లేదని, తాను వెళ్లనని నల్లగొండ ఎంపీ ఉత్తమ్‌కుమార్‌రెడ్డి (MP Uttam Kumar Reddy) తెలిపారు. టీపీసీసీ ఆధ్వర్యంలో ఈ నెల 21న నల్లగొండలో నిరుద్యోగ నిరసన దీక్ష కార్యక్రమం నిర్వహిస్తున్నట్లు మీడియాలో వార్తలు చూసిన అనంతరం తనకు తెలిసిందన్నారు. హైదరాబాద్‌లో ప్రియాంకగాంధీ (Priyanka Gandhi) సభ ఎప్పుడు ఉన్నా నల్లగొండ నుంచి భారీగా కార్యకర్తలను తరలించడానికి తనవంతుగా ప్రయత్నిస్తానని అన్నారు. నిరసన దీక్షకు వెళుతున్నారా అని విలేకరులు ప్రశ్నించగా, దీక్షపై తనకు ఇప్పటివరకు ఎలాంటి సమాచారం రాలేదని, తాను వెళ్లడం లేదని స్పష్టంచేశారు.