Drugs: మీర్‌పేటలో డ్రగ్స్ ముఠా అరెస్ట్
ABN , Publish Date - Dec 31 , 2023 | 07:05 PM
నగరంలోని మీర్‌పేటలో డ్రగ్స్ తరలిస్తున్న ముఠాను ఎల్బీనగర్ ఎస్‌వోటీ పోలీసులు అరెస్ట్ చేశారు. న్యూ ఇయర్ వేడుకల సందర్భంగా కొందరు ముఠాగా ఏర్పాడి నగంరలో డ్రగ్స్ విక్రయించేందుకు ప్రయత్నించారు.
హైదరాబాద్‌: నగరంలోని మీర్‌పేటలో డ్రగ్స్ తరలిస్తున్న ముఠాను ఎల్బీనగర్ ఎస్‌వోటీ పోలీసులు అరెస్ట్ చేశారు. న్యూ ఇయర్ వేడుకల సందర్భంగా కొందరు ముఠాగా ఏర్పాడి నగంరలో డ్రగ్స్ విక్రయించేందుకు ప్రయత్నించారు. సమాచారం అందుకున్న పోలీసులు దాడులు చేసి వారిని అదుపులోకి తీసుకున్నారు. మొత్తం ముగ్గురు నిందితులను అదుపులోకి తీసుకున్నారు. వారి నుంచి 15 గ్రాముల హెరాయిన్‌‌ను సీజ్‌ చేశారు. అలాగే రూ.10వేల నగదు, ఓ బైకు, 3 మొబైల్ ఫోన్లను స్వాధీనం చేసుకున్నారు.
అలాగే రాజేంద్రనగర్‌లో డ్రగ్స్ విక్రయిస్తున్నారన్న వార్త కలకలం సృష్టించింది. SOT పోలీసులు శివరాంపల్లిలోని ఓ అపార్ట్‌మెంట్‌లో సోదాలు చేశారు. సాఫ్ట్‌వేర్‌ ఇంజనీర్‌ సంధ్య, అర్జున్‌, డేవిడ్‌‌ను అరెస్ట్ చేసి విరాచరిస్తున్నారు. వారి నుంచి 2.7 గ్రాముల ఎండీఎంఏ డ్రగ్‌ను స్వాధీనం చేసుకున్నారు. న్యూఇయర్ వేడుకల్లో అసాంఘిక కార్యకలాపాలు జరకుండా నిఘా ఉంచినట్లు పోలీసు అధికారులు తెలిపారు. ఎవరైనా చట్టవ్యతిరేక కార్యకలాపాలకు పాల్పడితే కఠిన చర్యలు తప్పవని హెచ్చరించారు.
