Satyavathi Rathod: కేంద్రం తెలంగాణ పథకాలను కాపీ కొడుతుంది

వరంగల్: దేశంలో బీఆర్‌ఎస్‌(brs)కు వస్తున్న ఆదరణ తట్టుకోలేక ఓటమి భయంతో ప్రధానమంత్రి నరేంద్ర మోదీ(Narendra Modi) అసత్యాలు మాట్లాడుతున్నారని మంత్రి సత్యవతి రాథోడ్(Satyavathi Rathod) అన్నారు. శనివారం మంత్రి సత్యవతి రాథోడ్ మీడియాతో మాట్లాడుతూ.. ఈరోజు మోదీ ప్రసంగం అయోమయం అందోళన కరంగా ఉందని ఎద్దేవా చేశారు. ఎన్నికల సమయంలో ఇతర రాష్ట్రాల్లో వరాల జల్లు కురిపించే మోదీ ఇక్కడ ఎలాగూ ఓడిపోతామని తెలిసి అభివృద్ధి గురించి ప్రస్తవించకుండా కేవలం రాజకీయ విమర్శలు చేశారన్నారు.

తెలంగాణ అభివృద్ధికి కేంద్ర ప్రభుత్వం ఏం చేసిందో చెప్పాలని డిమాండ్ చేశారు. తెలంగాణకు పెట్టుబడులు వస్తున్నాయంటే అది కేసీఆర్ గొప్పతనం మాత్రమేనని స్పష్టం చేశారు.తెలంగాణ రాష్ట్ర పథకాలు కాపీ కొడుతుంది మీరు కాదా...? అని ప్రశ్నించారు. మీకు నిజంగా తెలంగాణపై ఏమాత్రం చిత్తశుద్ధి ఉన్న విభజన హామీల అమలపై మాట్లాడేవారని చెప్పారు. కోచ్ ఫ్యాక్టరీ అడిగితే వ్యాగన్ యూనిట్ ఇచ్చారన్నారు. గిరిజన విశ్వవిద్యాలయాన్ని అడ్డుకొని, అడవి బిడ్డల గురించి మాట్లాడటం ప్రధాని కపటప్రేమకు నిదర్శనమని సత్యవతి రాథోడ్ పేర్కొన్నారు.