MP BK: వాల్మీకి కల్యాణమండపం నిర్మాణానికి భూమిపూజ

పరిగి, అక్టోబరు 3: మండల కేంద్రంలోని ఇండియన గ్యార్మెంట్స్‌ వెనుకవైపున వాల్మీకి కల్యాణమండపం నిర్మాణానికి ఎంపీ పార్థసారథి గురువారం భూమిపూజ చేశారు. ముందుగా చెరువుకట్టవద్ద వాల్మీకి విగ్రహానికి ఆయన పూజలు చేశారు. అనంతరం జనసంద్రంతో ర్యాలీగా వెళ్లి మడకశిర-హిందూపురం ప్రధానరహదారి నుంచి శాసనకోటకువెళ్లే దారిలో కల్యాణమండపం నిర్మాణానికి శిలాఫలకం ఆవిష్కరించారు. ఊటకూరు మాజీ సర్పంచ ఈశ్వరప్ప అధ్యక్షతన ఏర్పాటుచేసిన సభలో ఎంపీ పాల్గొన్నారు. ఆయన మాట్లాడుతూ పరిగి మండల వాల్మీకులు తెలుగుదేశం పార్టీ బలోపేతానికి కృషిచేశారని కొనియాడారు. 2019 ఎన్నికల సమయంలో ఇచ్చిన మాట ప్రకారం ఎంపీ నిధులతో కళ్యాణమండపం నిర్మిస్తున్నామన్నారు. అనంతరం ఎంపీని ఘనంగా సత్కరించారు. టీడీపీ జిల్లా లీగల్‌సెల్‌ శివశంకర్‌, మాజీ ఎంపీటీసీ నరసింహప్ప, మాజీ సర్పంచ శ్రీనివాసరెడ్డి, సురేష్‌, వెంకటేశ, చిన్నపల్లి వెంకటేశ, ప్రసాద్‌, సోము పాల్గొన్నారు.