GOD : భక్తిశ్రద్ధలతో కలశపూజలు
ABN , Publish Date - Oct 19 , 2024 | 12:30 AM
శారదా నగర్‌లోని శివబాలయోగి ఆశ్రమంలో నిర్వహిస్తున్న దసరా ఉత్సవాలు శుక్రవారం ముగిశాయి. ఈ సందర్భంగా భక్తులు నదీజలాలను కలశాలతో ఊరేగింపుగా తీసుకొచ్చి, ఆలయ ఆవరణలో కలశపూజలు నిర్వహించారు.
అనంతపురం కల్చరల్‌, అక్టోబరు 18 (ఆంధ్రజ్యోతి) : శారదా నగర్‌లోని శివబాలయోగి ఆశ్రమంలో నిర్వహిస్తున్న దసరా ఉత్సవాలు శుక్రవారం ముగిశాయి. ఈ సందర్భంగా భక్తులు నదీజలాలను కలశాలతో ఊరేగింపుగా తీసుకొచ్చి, ఆలయ ఆవరణలో కలశపూజలు నిర్వహించారు. అనంతరం నవగ్రహాల తో పాటు శివబాలయోగి మహరాజు, అనంతేశ్వరస్వామి, అనం తేశ్వరిమాత, వల్లి దేవసేన సమేత సుబ్రహ్మణ్యేశ్వర స్వామి మూలవిరాట్లకు ఆ నీటి అభిషేకం చేసి, ప్రత్యేక పూజలు నిర్వహించారు. మహామంగళహారతి నివేదనానంతరం భక్తులకు అన్నసంతర్పణ చేశారు. ఆలయ కమిటీ అధ్యక్షుడు జూటూరు అరవింద్‌, ఉపాధ్యక్షుడు రత్నగిరి దేవరాజ్‌, ప్రసాద్‌, గాధంశెట్టి విశ్వనాథ, లక్ష్మీనారాయణ, మహేష్‌ తదితరులు పాల్గొన్నారు.
మరిన్ని అనంతపురం వార్తల కోసం....
