CM Chandrababu: జగన్‌పై ఓ రేంజ్‌లో ఫైర్ అయిన సీఎం..

అమరావతి, అక్టోబర్ 09: వైసీపీ అధినేత, మాజీ ముఖ్యమంత్రి వైఎస్ జగన్‌పై సీఎం చంద్రబాబు తీవ్రస్థాయిలో ఆగ్రహం వ్యక్తం చేశారు. ఘాటైన పదజాలంతో విరుచుకుపడ్డారు. ఈవీఎంలపై చెత్త మాటలు మాట్లాడటానికి జగన్‌కు సిగ్గుండాలంటూ ఫైర్ అయ్యారు. జగన్ రాష్ట్రానికి పట్టిన అతిపెద్ద అరిష్టం అంటూ తీవ్ర వ్యాఖ్యలు చేశారు. అసభ్య పదజాలానికి మారు పేరుగా వైసీపీ మారితే.. బూతుల్ని పేటెంట్‌గా వైసీపీ నాయకులు తీసుకుంటున్నారంటూ విమర్శించారు. విశాఖ ఉక్కు పరిశ్రమకు జరుగుతున్న నష్టంపై ఒక్కసారి కూడా నోరుమెదపని వారు.. ఇప్పుడు తమను విమర్శిస్తారా? అని ప్రశ్నించారు. ఎట్టి పరిస్థితుల్లోనూ స్టీల్ ప్లాంట్ ప్రయివేటీకరణ కాకూడదని, అదే సమయంలో నష్టాలకు ప్రత్యామ్నాయాలు ఆలోచించాలని సీఎం చంద్రబాబు అన్నారు. మొన్నటి వరదల్లో 10 రోజులు బురదలోనే ఉన్నామన్న సీఎం చంద్రబాబు.. వరదల సమయంలో ప్రతిపక్ష నేతలు ఎక్కడ ఉన్నారు? అంటూ నిలదీశారు. ప్రకృతి విపత్తులు వచ్చినప్పుడు ఇబ్బందులు సహజమన్నారు. వరద విరాళాలు CMRFకు రూ.450కోట్లు వచ్చాయని సీఎం వెల్లడించారు.