Boyakonda: బోయకొండ గంగమ్మ

చౌడేపల్లె, అక్టోబరు11: దసరా ఉత్సవాల్లో శుక్రవారం మహిషాసురమర్ధినిదేవిగా బోయకొండ గంగమ్మ దర్శనమిచ్చారు.అమ్మవారికి రెండు చేతుల్లో శంఖుచక్రాలు, మరో రెండు చేతుల్లో విల్లంబులు, మరో చేతిలో ఖడ్గం, ఇంకో చేతిలో డాలు, మరో చేతిలో గద, ఇంకో చేతిలో త్రిశూలంతో అలంకరించి సింహంపై అధిష్ఠింపజేశారు. యాగశాల వద్ద అమ్మవారి ఉత్సవమూర్తిని అలంకరించి కలశ స్థాపన చేశారు. అనంతరం ఉభయదారులచే అమ్మవారి మూల మంత్రాన్ని పఠింపజేస్తూ మహా గణపతి, ఆదిత్యాది నవగ్రహ, దుర్గ చండీ, మృత్యుంజయేశ్వర, రుద్ర హోమాలు నిర్వహింపజేశారు. ప్రమీల, ఆయ్యప్పన్‌, వాణి, నరేష్‌, లలితమ్మ, రవీంద్ర, శ ర్మ, లక్ష్మీప్రియ, గోవర్ధన్‌, శృతి, దిలీప్‌, చంద్రారెడ్డి, రమాదేవి, వెంకటరమణరాజు, లక్ష్మి, గౌతమ్‌, భాగ్యలక్ష్మి, బాలాజి, ధనలక్ష్మి, శివకుమార్‌, సరస్వతి, నరసింహమూర్తి, వనజారెడ్డి, చిన్నపరెడ్డి ఉభయదారులుగా వ్యవహరించారు.