టీడీపీలో చేరిక

నందికొట్కూరురూరల్‌, సెప్టెంంబరు 19: టీడీపీ నంద్యాల లోక్‌సభ నియోజకరవ్గ ఇన్‌చార్జి మాండ్ర శివానందరెడ్డి సమక్షంలో కొత్తపల్లె మండలంలోని ఎర్రమఠం గ్రామానికి చెందిన టీడీపీ నాయకులు చంద్రారెడ్డి, రామిరెడ్డి ఆధ్వర్యంలో ఎర్రమఠం గ్రామ వైసీపీ నాయకులు టీడీపీలో చేరారు. గురువారం అల్లూరు గ్రామంలో మాండ్ర సమక్షంలో ఎర్రమటం గ్రామ వైసీపీ నాయకులు టీడీపీలో చేరగా వారికి ఆయన పార్టీ కండువాలను కప్పి పార్టీలోకి సాదరంగా ఆహ్వానించారు. పార్టీలో చేరిన వారిలో వెంకటేశ్వర్లు, నాగేంద్రబాబు, అరున్‌కుమార్‌, ఓబులేష్‌, నాగేశ్వరావు, దావీదుతో పాటు 50 కుటుంబాలు టీడీపీలో చేరాయి.

జూపాడుబంగ్లా మండలం పోతులపాడు గ్రామ వైసీపీ నాయకులు ఆ పార్టీ టీడీపీ నాయకుడు రవికాంత్‌ ఆధ్వర్యంలో మాండ్ర శివానందరెడ్డి సమక్షంలో టీడీపీలో చేరారు. పార్టీలో చేరిన వారిలో శ్రీను, పుల్లయ్య, సాంబ, మారెన్న, సుంకన్న, లింగస్వామి తదితరులతో పాటు 20 కుటుంబాలు ఉన్నాయి. మాండ్ర సురేంద్రనాథరెడ్డి, నాయకులు కార్యకర్తలు పాల్గొన్నారు.