Chandrababu: పోలీసుల తీరుతో చంద్రబాబు ప్రమాణ స్వీకారం వద్ద అదుపు తప్పుతున్న పరిస్థితి

అమరావతి: చంద్రబాబు ప్రమాణస్వీకారానికి అభిమానులు పెద్ద ఎత్తున తరలి వస్తున్నారు. ఉదయం నుంచే వాహనాలను అడ్డుకుంటూ పోలీసులు హడావుడి చేస్తున్నారు. విజయవాడలోకి రాకుండా వాహనాలను పోలీసులు ఎక్కడికక్కడ అడ్డుకుంటున్నారు. కనకదుర్గ వారధిపై బారికేడ్లు అడ్డు పెట్టి పూర్తిగా పోలీసులు ట్రాఫిక్ జామ్ చేశారు. అంబులెన్స్ లను సైతం పోలీసులు వదలడం లేదు. మొత్తంగా చంద్రబాబు ప్రమాణ స్వీకారం ప్రాంగణం వద్ద పరిస్థితి అదుపు తప్పుతోంది.

వీవీఐపీలు సైతం చేరుకునే వీలు లేకుండా పోలీసు ఆంక్షలు విధిస్తున్నారు. ఇంటర్నల్ రహదారుల నుంచి ప్రధాన రహదారికి వచ్చే దారులన్నింటినీ పోలీసులు నిర్బంధించారు. ఎక్కడికక్కడ బారికేడ్లు పెట్టి పోలీసులు ట్రాఫిక్ జామ్ చేస్తున్నారు. సభా ప్రాంగణం వద్దకు ఉదయాన్నే టీడీపీ శ్రేణులు వేలాదిగా పోటెత్తారు. పాస్‌లు లేవంటూ పోలీసులు పంపించేస్తున్నారు. పాస్‌లు చూపిస్తున్న వారి నుంచి పాస్‌లు తీసుకుని చించేసి లోనికి పంపిస్నతున్నారు. పోలీసులు పాస్‌లు చించేయటంతో లోన ఎక్కడ కూర్చోవాలో అర్ధం కాని పరిస్థితుల్లో వీవీఐపీలు ఉన్నారు.