Next Week IPOs: వచ్చే వారం రానున్న ఐపీఓలు ఇవే.. ఈసారి ఎన్ని వస్తున్నాయంటే..
ABN , Publish Date - Nov 10 , 2024 | 01:42 PM
స్టాక్ మార్కెట్ పెట్టుబడిదారులకు మళ్లీ గుడ్ న్యూస్ వచ్చేసింది. ఎందుకంటే ఈసారి కూడా కీలక కంపెనీలు ఐపీఓకు వస్తున్నాయి. అయితే ఈసారి ఎన్ని కంపెనీలు వస్తున్నాయనే విషయాలను ఇక్కడ తెలుసుకుందాం.
దేశీయ స్టాక్ మార్కెట్లో (stock markets) మళ్లీ ఐపీఓల వీక్ రానే వచ్చింది. నవంబర్ 11, 2024 నుంచి ప్రారంభమయ్యే ఈ వారంలో మూడు కొత్త IPOలు రాబోతున్నాయి. మెయిన్‌బోర్డ్ విభాగంలో జింకా లాజిస్టిక్స్ సొల్యూషన్స్ వస్తుంది. రూ.2,200 కోట్ల నివా బుపా హెల్త్ ఇన్సూరెన్స్ కంపెనీ ఐపీఓ నవంబర్ 11న ముగియనుంది. అంతేకాదు Swiggyతో సహా పలు కంపెనీలు కూడా ఈ వారం లిస్ట్ కానున్నాయి. అయితే ఆ కంపెనీల వివరాలు ఏంటి, ఏయే తేదీలలో వస్తున్నాయనే వివరాలను ఇక్కడ చుద్దాం.
ఈవారం (నవంబర్ 11) తర్వాత రానున్న కొత్త ఐపీఎలు
జింకా లాజిస్టిక్స్ సొల్యూషన్స్ IPO: ఈ పబ్లిక్ ఇష్యూ ప్రైస్ బ్యాండ్ ఒక్కో షేరుకు రూ. 259-273గా నిర్ణయించబడింది. ఈ IPO దాదాపు రూ. 1114.72 కోట్ల పరిమాణంతో రానుంది. నవంబర్ 13న సబ్‌స్క్రిప్షన్ కోసం తెరవబడుతుంది. నవంబర్ 18న ముగుస్తుంది. నవంబర్ 21న బీఎస్‌ఈ, ఎన్‌ఎస్‌ఈలో షేర్ల లిస్టింగ్ జరగనుంది.
మంగళ్ కంప్యూషన్ IPO: రూ. 16.23 కోట్ల ఈ ఇష్యూ నవంబర్ 12న ప్రారంభమై, నవంబర్ 14న ముగుస్తుంది. నవంబర్ 20న బీఎస్‌ఈ ఎస్‌ఎంఈలో ఈ షేర్లు లిస్ట్ కానున్నాయి. దీని బిడ్డింగ్ ధర ఒక్కో షేరుకు రూ. 45. లాట్ పరిమాణం 3000 షేర్లు.
Onyx Biotec IPO: ఈ కంపెనీ పబ్లిక్ ఇష్యూ నవంబర్ 13న తెరవబడుతుంది. ఇందుకోసం ఒక్కో షేరు ధరను రూ. 58-61గా నిర్ణయించారు. లాట్ పరిమాణం 2,000 షేర్లు. ఐపీఓ పరిమాణం రూ. 29.34 కోట్లు. ఇష్యూ నవంబర్ 18న ముగుస్తుంది. ఈ షేర్ల లిస్టింగ్ నవంబర్ 21న NSE SMEలో జరుగుతుంది.
మరికొన్ని ఐపీఓలు కూడా..
నివా బుపా హెల్త్ ఇన్సూరెన్స్ కంపెనీ ఐపీఓ: రూ. 2,200 కోట్ల పబ్లిక్ ఇష్యూతో నవంబర్ 7న ప్రారంభమైంది. నవంబర్ 11న ముగుస్తుంది. నవంబర్ 14న బీఎస్‌ఈ, ఎన్‌ఎస్‌ఈలో షేర్ల లిస్టింగ్ జరగనుంది. IPOలో వేలం వేయడానికి ప్రైస్ బ్యాండ్ ఒక్కో షేరుకు రూ.70-74గా నిర్ణయించబడింది.
నీలం లినెన్స్ గార్మెంట్స్ IPO: ఈ ఇష్యూ నవంబర్ 8న ప్రారంభించబడింది, నవంబర్ 12న ముగుస్తుంది. ఈ IPO పరిమాణం రూ. 13 కోట్లు. నవంబర్ 18న NSE SMEలో షేర్లు లిస్ట్ చేయబడతాయి. బిడ్డింగ్ కోసం ప్రైస్ బ్యాండ్ ఒక్కో షేరుకు రూ. 20-24. లాట్ పరిమాణం 6000 షేర్లు.
Swiggy IPO: బీఎస్‌ఈ, ఎన్‌ఎస్‌ఈలో నవంబర్ 13, 2024న లిస్టింగ్ కానుంది.
ఇవి కూడా చదవండి:
Business Idea: ఈ పాల వ్యాపారం చేయండి.. నెలకు రూ. 5 లక్షలకుపైగా సంపాదించండి..
Personal Finance: కేవలం రూ. 1200తో కోటీశ్వరులవ్వండి.. అందుకు ఎన్నేళ్లు పడుతుందంటే..
Bank Holidays: నవంబర్ 2024లో బ్యాంక్ సెలవులు.. దాదాపు సగం రోజులు బంద్..
Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..
Read More Business News and Latest Telugu News
