Thyagaraja Temple: ఆలయంలో కార్ ఫెస్టివల్.. పెద్ద ఎత్తున తరలివచ్చిన భక్తులు

ప్రతి ఏటా మార్చిలో నిర్వహించే ఆసియాలోనే అతిపెద్ద రథోత్సవం(car festival) మళ్లీ వచ్చింది. తమిళనాడు(tamilnadu) తిరువారూర్‌లోని శ్రీత్యాగరాజస్వామి ఆలయం(Thyagaraja temple)లో ఈ ఉత్సవాన్ని చోళుల కాలం నుంచే జరుపుకోవడం విశేషం. ఈ క్రమంలోనే నేడు త్యాగరాజ స్వామి ఆలయంలో రథం శోభాయాత్ర నిర్వహించారు. ఈ కార్యక్రమానికి వేలాది మంది భక్తులు తండోపతండాలుగా తరలివచ్చారు. దీంతో తిరువారూర్‌(Tiruvarur)లోని త్యాగరాజ దేవాలయం భక్తుల నినాదాలతో మార్గోగిపోయింది.

ఈ రథోత్సవంలో పాల్గొన్న భక్తులు భక్తి శ్రద్దలతో రథం తాడును లాగారు. ఇది ఆసియాలోనే అతిపెద్ద రథం. తిరువారూర్ రథం(Aazhi Therottam) ఇతర దేవాలయాల రథాల మాదిరిగా కాకుండా పూర్తిగా భిన్నంగా ఉంటుంది. తిరుచ్చిలోని బెల్ కంపెనీ తరపున అజితేర్‌లో ఐరన్ యాక్సిల్స్, 4 ఇనుప చక్రాలు, హైడ్రాలిక్ బ్రేకులు కాగా రథం మొత్తం బరువు 350 టన్నులు. ఈ ఊరేగింపు 4 వీధుల్లో నిర్వహించారు. ఈ రథం తాడు పట్టుకుంటే వైకుంఠంలో స్థానం లభిస్తుందని కూడా ఆయా ప్రాంతాల భక్తుల నమ్మకం.

ఈ ఆలయం కావేరీ డెల్టాలో ఉంది. తిరువారూర్‌లోని త్యాగరాజర్ ఆలయాన్ని (Thyagaraja temple)శైవుల కాలంలో పెరియ కోవిల్ అని పిలుస్తారు. త్యాగరాజ స్వామి ఆలయం సర్వదోష పరికాల తాళం, ఏడు గోపురాలను కలిగి ఉంటుంది. ఇది అతిపెద్ద శివాలయం. ఆలయంలోని నవగ్రహాలు త్యాగరాజ స్వామిని దీప రూపంలో ఆరాధిస్తారని కూడా భక్తులు నమ్ముతారు.

మరిన్ని తాజా వార్తల కోసం ఇక్కడ క్లిక్ చేయండి: Banks: మార్చి 31న ఆదివారం కూడా దేశవ్యాప్తంగా బ్యాంకులు ఓపెన్.. కారణమిదే