Group 2: గ్రూప్ 2 ఎడిట్ ఆప్షన్ రేపే లాస్ట్.. మార్పులు చేసుకున్నారా లేదా..

తెలంగాణ స్టేట్ పబ్లిక్ సర్వీస్ కమిషన్ (TGPSC) గ్రూప్ 2 సర్వీసెస్ అభ్యర్థుల ఆన్‌లైన్ అప్లికేషన్‌లో దిద్దుబాట్లు, మార్పులు చేసుకునేందుకు ఇప్పటికే అవకాశం ఇచ్చింది. అందుకోసం రేపే (జూన్ 20) చివరి తేదీగా ఉంది. ఈ నేపథ్యంలో ఇంకా ఎవరైనా గ్రూప్ 2 కోసం అప్లై చేసి మార్పులు చేసుకోవాలని అనుకుంటే వెంటనే ఇప్పుడు చేసుకోండి. ఎందుకంటే రేపు లాస్ట్ డేట్ ఉన్న క్రమంలో సర్వర్ సమస్యలు వచ్చే అవకాశం ఉంటుంది.

దీనికోసం మీరు ఈ విధంగా ఎడిట్ చేసుకోవచ్చు

• ముందుగా గ్రూప్ 2 సర్వీసుల కోసం దరఖాస్తు చేసుకున్న అభ్యర్థులు అధికారిక వెబ్‌సైట్‌ని సందర్శించండి https://websitenew.tspsc.gov.in

• ఆ తర్వాత హోమ్ పేజీలో GROUP-II SERVICES నోటిఫికేషన్ నెం.28/2022, తేదీ:29/12/2022 జనరల్ రిక్రూట్‌మెంట్ ఎడిట్ ఆప్షన్ వెబ్ నోట్ లింక్‌పై క్లిక్ చేయండి

• అభ్యర్థులు ఆన్‌లైన్ అప్లికేషన్‌లో చేసిన ప్రతి ఎంట్రీని వాటి ఖచ్చితత్వం కోసం తనిఖీ చేయండి, ఎదైనా మార్పులు చేయండి

• ఇచ్చిన ఎడిట్ ఆప్షన్ ఫైనల్, ఎడిట్ ఆప్షన్ సమయం పూర్తయిన తర్వాత ఎడిట్ కోసం ఎటువంటి అభ్యర్థన పరిగణించబడదు

• సవరణను పూర్తి చేసిన తర్వాత అభ్యర్థులు తమ సరిదిద్దుకున్న PDFని డౌన్‌లోడ్ చేసుకోవచ్చు

• అన్ని ఎంట్రీల ఖచ్చితత్వాన్ని మరోసారి తనిఖీ చేసుకుని దానిని భద్రపర్చుకోండి

అభ్యర్థులు గ్రూప్ 2 సర్వీసుల కోసం తమ దరఖాస్తును మళ్లీ తనిఖీ చేసుకోవాలని, అవసరమైతే సరిదిద్దుకోవాలని అధికారులు ఈ సందర్భంగా సూచించారు. ఇక గ్రూప్ 2 ఎగ్జామ్ ఆగస్టు 7, 8 తేదీలలో జరగనుంది. విస్తరణ అధికారి, మున్సిపల్ కమిషనర్, ప్రొహిబిషన్ అండ్ ఎక్సైజ్ సబ్ ఇన్‌స్పెక్టర్, అసిస్టెంట్ డెవలప్‌మెంట్ ఆఫీసర్, అసిస్టెంట్ సెక్షన్ ఆఫీసర్, డిస్ట్రిక్ట్ ప్రొబేషన్ ఆఫీసర్, అసిస్టెంట్ ట్రైబల్ వెల్ఫేర్ ఆఫీసర్/అసిస్టెంట్ ట్రైబల్‌తో సహా గ్రూప్ II సర్వీసెస్ కింద వివిధ విభాగాల్లో 783 పోస్టులకు TSPSC నోటిఫికేషన్ జారీ చేసింది.

ఇవి కూడా చదవండి

BRS and BJP: అక్కడ కలిసికట్టుగా ముందుకు వెళుతున్న బీఆర్ఎస్, బీజేపీ

Hyderabad: పీజీఈసెట్‌లో 91.28 శాతం ఉత్తీర్ణత

Jobs: 9,995 ఉద్యోగాలకు నోటిఫికేషన్ విడుదల.. అప్లై చేశారా..

For More Education News and Telugu News..