Breaking News Live Updates: నేటి తాజా వార్తలు..

ప్రముఖ యూట్యూబర్ ప్రసాద్ బెహ్ర అరెస్ట్

• వెబ్ సీరిస్ షూటింగ్ సమయంలో యువతిని లైంగిక వేధింపులకు గురి చేయడంతో పాటు, పలు మార్లు అసభ్య పదజాలంతో దూషించిన ప్రసాద్ బెహరా.

• షూటింగ్ సమయంలో యువతి ప్రయివేట్ భాగాలను తాకుతూ అవమానించిన ప్రసాద్ బెహరా.

• ప్రసాద్ బెహరా వేధింపులపై జూబ్లీహిల్స్ పోలీసులకు ఫిర్యాదు చేసిన యువతి.

• ప్రసాద్ బెహరాపై 75(2),79,351(2)BNS సెక్షన్స్ కింద కేసు నమోదు.

• ప్రసాద్ బెహరాను అరెస్ట్ చేసి కోర్టులో హాజరు పరిచి రిమాండ్‌కు తరలించిన పోలీసులు.

• మా విడాకులు,పెళ్లి వారమండి, మెకానిక్ వెబ్ సిరీస్‌లతో పేరు తెచ్చుకున్న ప్రసాద్ బెహరా.

• ఇటీవల రిలీజయిన కమిటీ కుర్రాళ్ళు సినిమాతో నటుడిగా గుర్తింపు తెచ్చుకున్న ప్రసాద్ బెహరా.

పెనుకొండ లక్ష్మినారాయణకు కేంద్ర సాహిత్య అకాడమీ అవార్డు..

• గుంటూరు జిల్లా: ప్రముఖ రచయిత పెనుకొండ లక్ష్మినారాయణకు కేంద్ర సాహిత్య అకాడమీ అవార్డు.

• దీపిక అభ్యుదయ వ్యాస సంపుటికి కేంద్ర సాహిత్య అకాడమీ అవార్డు.

• అభ్యుదయ రచయితల సంఘం జాతీయ అధ్యక్షులుగా ఉన్న పెనుకొండ లక్ష్మినారాయణ.

• పల్నాడు జిల్లా చెరువుకొమ్ముపాలెం గ్రామానికి చెందిన లక్ష్మినారాయణ.

• లక్ష్మి నారాయణ కు ప్రభుత్వ చీఫ్ విప్ జి.వి.ఆంజనేయులు అభినందనలు.

సీఎం రేవంత్ రెడ్డికి కేటీఆర్ సంచలన లేఖ..

• తెలంగాణ ముఖ్యమంత్రి రేవంత్ రెడ్డికి బీఆర్ఎస్ వర్కింగ్ ప్రెసిడెంట్ కేటీఆర్ లేఖ రాశారు.

• దమ్ముంటే ఫార్ములా-ఈ రేస్ అంశంపై రాష్ట్ర శాసనసభలో చర్చ పెట్టాలని సవాల్ విసిరారు.

• ఫార్ములా-ఈ రేస్ వ్యవహారంలో కాంగ్రెస్ ప్రభుత్వం తనపై నిరాధార ఆరోపణలు చేస్తోందన్నారు.

• కేసులు వేస్తామని.. క్యేబినెట్‌లో గంటన్నరపాటు ఇదే అంశంపై చర్చ జరిగినట్లు వార్తలు వస్తున్నాయన్నారు.

• ఈ అంశంపై నాలుగు గోడల మధ్య కాకుండా.. అసెంబ్లీలో నాలుగు కోట్ల మంది ప్రజల ముందు చర్చ పెట్టాలని డిమాండ్ చేశారు.

• నిజానిజాలేంటో ప్రజలందరికీ తెలియాలన్నారు కేటీఆర్.

కాళేశ్వరంపై విచారణ.. కీలక వివరాలు చెప్పిన ఐఏఎస్ రజత్ కుమార్..

• నీటి పారుదల శాఖ మాజీ కార్యదర్శి రిటైర్డ్ ఐఏఎస్ రజత్ కుమార్‌ను కాళేశ్వరం కమిషన్ విచారించింది.

• మేడిగడ్డ బ్యారేజీ కుంగడానికి కారణం గేట్ల ఆపరేషన్స్ సరిగ్గా లేకపోవడమే.

• అధికారులు ఉన్నతంగా ఆలోచన చేయాలి అన్న కమిషన్ చీఫ్.

• అధికారులు తప్పులు చేస్తే ప్రజల డబ్బు వృధా అవుతుంది కదా అని ప్రశ్న.

• రజత్ కుమార్ సమాధానాలపై హర్షం వ్యక్తం చేసిన కమిషన్ చీఫ్.

• 2015లో అసెంబ్లీలో ప్రాజెక్టుపై ప్రజెంటేషన్ ఇచ్చి 2016లో కేసీఆర్ ప్రాజెక్టుకు అనుమతి ఇచ్చారు.

• బ్యారేజీలలో నీళ్లను ఎందుకు స్టోర్ చేశారన్న కమిషన్ చీఫ్.

• మూడు బ్యారేజీలలో నీళ్లను లిఫ్ట్ చేయడం కోసం మాత్రమే స్టోరేజ్ చేశాం.

• ఎన్నికల కోడ్ వల్ల బ్యారేజీలలో జరిగిన డ్యామేజీలను రిపేర్ చేయలేకపోయాం.

• ఫీయర్స్ కుంగిపోవడానికి కారణం ఏంటని ప్రశ్నించిన కమిషన్?

• బ్యారేజీ ఫౌండేషన్ కింద ఇసుక కొట్టుకపోవడంతో పియర్స్ కృంగిపోయాయి అనే అనుమానం ఉంది.

• క్వాలిటీ కంట్రోల్ సరిగ్గా లేకపోవడం వల్లనే ప్రమాదం జరిగింది అన్న అభిప్రాయం కూడా ఉంది.

• మేడిగడ్డ బ్యారేజీ డ్యామేజ్ తరువాత మరమ్మత్తుల విషయంలో అధికారుల పాత్ర ఏంటి?

• 2019 నుంచి 2022 వరకు మూడు సంవత్సరాలు వరుసగా వరదలు వచ్చినా బ్యారేజీలు తట్టుకున్నాయి.

• మూడు సంవత్సరాలలో ఎక్కడా కూడా ఇలాంటి లోపాలు లేకుండా బ్యారేజీలు ఉన్నాయి.

• నిబంధనల ప్రకారమే కాంట్రాక్టర్లకు బిల్లులు చెల్లింపులు జరిగాయి.

• బ్యారేజీ వద్ద డ్యామేజ్ జరిగితే ఫీల్డ్ లెవల్‌లో అధికారులు ఆపరేషన్స్ అండ్ మెయింటెనెన్స్ ఈఎన్సి బాధ్యత వహించాలి.

• ఎన్‌డిఎస్ఏ కామెంట్స్‌పై స్పందించని మాజీ ఐఏఎస్ రజత్ కుమార్.

• కార్పొరేషన్ ద్వారా తీసుకున్న లోన్స్ ఆదాయం వచ్చేవరకు ప్రభుత్వమే కట్టాల్సి ఉంటుంది.

జూబ్లీహిల్స్ హౌసింగ్ సొసైటీ అధ్యక్షుడు బి రవీంద్రనాథ్‌కు హైకోర్టులో ఎదురుదెబ్బ

• హౌసింగ్ సొసైటీ అధ్యక్షుడు రవీంద్రనాథ్ అనర్హతపై విచారణ జరిపి తగిన చర్యలు తీసుకోవాలని కో ఆపరేటివ్ సొసైటీ డిస్ట్రిక్ట్ రిజిస్ట్రారు కు హైకోర్టు ఆదేశం.

• ఆరు వారాల్లో చర్యలు తీసుకోవాలన్న హైకోర్టు.

• హౌసింగ్ సొసైటీ మెంబర్ కాకుండా అధ్యక్షుడుగా రవీంద్రనాథ్ కొనసాగడంపై అభ్యంతరం.

• కో ఆపరేటివ్ సొసైటీ పట్టించుకోకపోవడంతో హైకోర్టులో పిటిషన్ వేసిన ఇద్దరు సభ్యులు.

సీఎం రేవంత్‌పై హరీష్ రావు షాకింగ్ ఆరోపణలు..

• డైవర్షన్ పాలిటిక్స్ కోసం రోడ్లపై సీఎం రేవంత్ సర్కస్ ఫీట్లు చేస్తున్నాడు: హరీష్ రావు

• అదానీతో రేవంత్ రెడ్డిది.. ఢిల్లీలో దోస్తీ..‌ గల్లీలో కుస్తీ.

• అదానీకి ఏజెంట్ మాదిరి సీఎం రేవంత్ రెడ్డి వ్యవహరిస్తున్నాడు.

• ట్రాఫిక్ జాం చేసిన ముఖ్యమంత్రి మీద సీవీ ఆనంద్ కేసులు బుక్ చేయాలి.

• అదానీ వ్యవహారంపై అసెంబ్లీలో చర్చించాలి.

• రాజ్ భవన్ వద్ద రేవంత్ మాట్లాడింది నిజమైతే.. తెలంగాణ పరవును కూడా రేవంత్ మంట కలిపిండు.

• అదానీపై మాట్లాడే ధైర్యం లేకనే.. రేవంత్.. కేసీఆర్, కేటీఆర్ గురించి మాట్లాడుతున్నాడు.

• కాంగ్రెస్ హైకమాండ్ తిట్టినందుకే అదానీ వంద కోట్లను రేవంత్ రెడ్డి వాపస్ ఇచ్చాడు.

• అదానీపై పోరాటం నిజమైతే.. 12వేల 400కోట్ల ఒప్పందాలు రద్దు చేసుకోవాలి.

• రాహుల్ గాంధీని సైతం సీఎం రేవంత్ రెడ్డి మోసం చేస్తున్నాడు.

• అసెంబ్లీ సాక్షిగా అదానీ, రేవంత్ అక్రమ సంబంధం బయటపెడ్తాం.

• నేతి బీరకాయలో నెయ్యి ఎంతనో.. రేవంత్ రెడ్డి మాటల్లో నిజమంతే.

• పోలీసు పహారా మధ్య రామన్నపేటలో అదానీ సిమెంట్ ఫ్యాక్టరీ నిర్మాణం జరుగుతుంది.

రాజ్ భవన్ వద్ద కాంగ్రెస్.. అసెంబ్లీ వద్ద బిఆర్ఎస్

• కాంగ్రెస్, బిఆర్ఎస్ పోటాపోటీ నిరసనలు.

• అధాని వ్యవహారంపై జేపీసీ వేయాలని కాంగ్రెస్ నిరసన..

• టిపిసిసి ఆధ్యర్యంలో రాజ్ భవన్ కు నిరసన ర్యాలీ చేపట్టిన కాంగ్రెస్.

• అదాని విషయంలో కెసిఆర్ స్టాండ్ చెప్పాలని సీఎం రేవంత్ రెడ్డి డిమాండ్.

• అదే సమయంలో అసెంబ్లీలో బిఆర్ఎస్ నిరసన.

• అదాని, రేవంత్ భాయ్ భాయ్ అంటూ నినాదాలు

• ప్రధాని రేవంత్ రెడ్డి కలిసిన ఫోటోలు ప్రదర్శిస్తూ అసెంబ్లీ లాబీల నుంచి మీడియా పాయింట్ వరకు వెళ్లిన బిఆర్ఎస్ ఎమ్మేల్యేలు.

అల్లు అర్జున్ ఫ్యాన్స్‌కి షాక్..

• అల్లు అర్జున్ అరెస్ట్ తరువాత సోషల్ మీడియా పోస్టులపై 4 కేసులు నమోదు.

• ప్రభుత్వం, సీఎం రేవంత్ పై అభ్యంతరకర పోస్టులు పెట్టిన వారి మీద కేసులు నమోదు.

• పలువురు ఇచ్చిన ఫిర్యాదు మేరకు కేసు నమోదు.

• కేసులు నమోదు చేసిన హైదరాబాద్ సైబర్ క్రైమ్ పోలీసులు.

• నిందితులపై ఐటి యాక్ట్‌తో పాటు BNS 352, 353(1)(b) సెక్షన్ల కింద కేస్ నమోదు.

త్వరలో రాష్ట్రపతి భవన్ కూడా ముట్టడిస్తాం: సీఎం రేవంత్ రెడ్డి

• అదానీ విషయంలో మీ వైఖరి ఏంటో రేపు పొద్దున్న వరకు కేసీఆర్ చెప్పాలి.

• అదానీ విషయంలో బీఆర్ఎస్ రాజ్యసభ సభ్యులు రాజ్యసభ చైర్మన్ కి లేఖ రాయాలి.

• ప్రజాకోర్టులో ప్రధానిని శిక్షించేదాక కాంగ్రెస్ పార్టీ కొట్లాడుతోంది.

• ప్రధాని పట్టించుకోవడం లేదనే రోడ్లపైకి రావాల్సి వచ్చింది.

Breaking News Live Updates in Telugu: కాంగ్రెస్ ఆందోళనలు..

• రాజ్ భవన్ బయల్దేరిన సీఎం, డిప్యూటీ సీఎం, మంత్రులు

• గవర్నర్ కి వినతి పత్రం ఇవ్వనున్న కాంగ్రెస్ నేతలు

• ప్రారంభమైన కాంగ్రెస్ నిరసన ర్యాలీ

• ఇందిరాగాంధీ విగ్రహం నుంచి రాజ్ భవన్ కు బయలుదేరిన నేతలు

• ర్యాలీలో సీఎంతో పాటు మంత్రులు ఎమ్మెల్యేలు ఎమ్మెల్సీలతో పాటు పెద్ద ఎత్తున కాంగ్రెస్ శ్రేణులు