Navy : ఈ నెలలోనే సాహస ‘సాగర్‌ పరిక్రమ’
ABN , Publish Date - Sep 16 , 2024 | 04:02 AM
భారత నౌకా దళానికి చెందిన ఇద్దరు మహిళా అధికారులు అత్యంత కఠినమైన సాహస యాత్ర ‘సాగర్‌ పరిక్రమ’కు సిద్ధమవుతున్నారు.
ఇద్దరు మహిళా నేవీ అధికారుల ప్రపంచ యాత్ర
న్యూఢిల్లీ, సెప్టెంబరు 15: భారత నౌకా దళానికి చెందిన ఇద్దరు మహిళా అధికారులు అత్యంత కఠినమైన సాహస యాత్ర ‘సాగర్‌ పరిక్రమ’కు సిద్ధమవుతున్నారు. లెఫ్టినెంట్‌ కమాండర్లు ఎ. రూపా, కె. దిల్నా త్వరలోనే సవాలుతో కూడిన సముద్ర యాత్రను ప్రారంభించనున్నారు. భారత నౌకాదళ సెయిలింగ్‌ నౌక (ఐఎన్‌ఎ్‌సవీ) తారిణిలో ఈ ఇద్దరూ భూగోళాన్ని చుట్టే సాహస యాత్ర చేపట్టనున్నారని నేవీ అధికార ప్రతినిధి వివేక్‌ మధ్వాల్‌ ఆదివారం తెలిపారు.
