Actress Gayatri Raghuram: అన్నాడీఎంకేలో చేరిన నటి గాయత్రి రఘురాం

పెరంబూర్‌(చెన్నై): గత ఏడాది బీజేపీ నుంచి వైదొలిగిన నటి గాయత్రి రఘురాం((Actress Gayatri Raghuram)).. ఎట్టకేలకు ఎడప్పాడి పళనిస్వామి సమక్షంలో అన్నాడీఎంకేలో చేరారు. బీజేపీలో గాయత్రి రఘురాం రాష్ట్ర బీజేపీ విదేశీ, పొరుగు రాష్ట్రాల తమిళుల సంక్షేమ విభాగం అధ్యక్షురాలిగా వ్యవహిరించారు. ఈ నేపథ్యంలో గత ఏడాది జనవరిలో తన మనసు నొప్పించారంటూ బీజేపీ నుంచి వైదొలిగారు. ఆ పార్టీలో మహిళలకు మర్యాద, సమాన హోదా లేదని ఆమె ఆరోపించారు. అనంతరం బీజేపీ రాష్ట్ర అధ్యక్షుడు అన్నామలై(BJP state president Annamalai)పై పలు ఆరోపణలు చేస్తూ వచ్చిన గాయత్రి రఘురాం శుక్రవారం అన్నాడీఎంకే ప్రధాన కార్యదర్శి ఎడప్పాడి పళనిస్వామి నేతృత్వంలో ఆ పార్టీలో చేరారు. ఈపీఎ్‌సతో గాయత్రి రఘురాం భేటీ అయిన చిత్రాలను పార్టీ అధికార ప్రతినిధి సీఆర్టీ నిర్మల్‌ కుమార్‌ తన ఎక్స్‌లో పోస్ట్‌ చేశారు.