Chennai: నటి కస్తూరి అరెస్టుకు రంగం సిద్ధం..

- బెదిరింపులకు భయపడేది లేదన్న నటి

చెన్నై: తెలుగువారిని కించపరిచేలా వివాదాస్పద వ్యాఖ్యలు చేసిన నటి కస్తూరి(Kasturi)ని అరెస్టు చేసేందుకు పోలీసులు రంగం సిద్ధం చేసుకున్నట్లు తెలిసింది. అదే సమయంలో తనకు బెదిరింపులు వస్తున్నాయని, ఎవరి బెదిరింపులకు భయపడే ప్రసక్తే లేదని ఆమె తాజాగా తన ఎక్స్‌ పేజీలో ప్రకటించారు. ఎగ్మూరు(Egmoor)లో ఇటీవల జరిగిన ఓ మహానాడులో నటి కస్తూరి తెలుగువారిని కించపరిచేలా వ్యాఖ్యానించిన విషయం తెలిసిందే.

ఈ వార్తను కూడా చదవండి: Metro trains: మార్చిలోగా డ్రైవర్‌ రహిత మెట్రో రైళ్లు.. ఇవి తయారయ్యేది మన ఏపీలోనే

దానిపై రెండు తెలుగు రాష్ట్రాల తెలుగు సంఘాలు, నగరంలోని తెలుగు సంఘాల నేతల తీవ్రస్థాయిలో విరుచుకుపడ్డారు. చివరకు ఆమె తెలుగువారి గురించి చేసిన విమర్శలకు బేషరతుగా క్షమాపణ చెప్పింది. అదే సమయంలో తెలుగువారిని కించపరిచేలా వ్యాఖ్యలు చేసిన కస్తూరిపై రాష్ట్రంలోని పలు స్టేషన్లలో కేసులు నమోదవుతున్నాయి. ఆ మేరకు ఎగ్మూరు పోలీసుస్టేషన్‌(Egmoor Police Station)లో దాఖలైన ఫిర్యాదు పరిశీలించిన పోలీసులు నటి కస్తూరిపై నాలుగు సెక్షన్ల కింద కేసు నమోదు చేశారు.

త్వరలో ఆమెను విచారించడానికి సమన్లు పంపించాలని ఎగ్మూరు పోలీసులు నిర్ణయించారు. ఈ నేపథ్యంలో నటి కస్తూరి తాజాగా తన ఎక్స్‌పేజీలో ఓ సందేశం పోస్టు చేశారు. తాను ఎలాంటి బెదిరింపులకు, దాడులకు భయపడబోనన్నారు. సోదరభావంతోనే తన పట్టు సడలించుకోవాల్సి వచ్చిందని కస్తూరి పేర్కొన్నారు.

ఈవార్తను కూడా చదవండి: యాదగిరిగుట్ట ఆలయంలో కుంగిన ఫ్లోరింగ్‌!

ఈవార్తను కూడా చదవండి: కేశవాపురం వద్దు.. మేఘా కాంట్రాక్టు రద్దు

ఈవార్తను కూడా చదవండి: అరుణాచల ప్రదక్షిణకు ఆర్టీసీ ప్రత్యేక బస్సులు

ఈవార్తను కూడా చదవండి: తీన్మార్ మల్లన్నకు స్ట్రాంగ్ వార్నింగ్

Read Latest Telangana News and National News