Anna Hazare: కేజ్రీవాల్ ప్రకటనపై స్పందించిన అన్నా హజారే

ఢిల్లీ, సెప్టెంబర్ 15: మద్యం కుంభకోణం కేసులో అరెస్టయి.. బెయిల్‌పై విడుదలైన ఢిల్లీ సీఎం అరవింద్ కేజ్రీవాల్ కీలక నిర్ణయం తీసుకున్నారు. ముఖ్యమంత్రి పదవికి రాజీనామా చేస్తున్నట్లు ఆయన ప్రకటించారు. ఈ కేజ్రీవాల్ ప్రకటనపై సామాజిక కార్యకర్త అన్నా హజారే స్పందించారు. ఆదివారం మహారాష్ట్రలోని తన స్వగ్రామం రాలేగావ్ సిద్దిలో అన్నా హజారే విలేకర్లతో మాట్లాడుతూ... గతంలో కేజ్రీవాల్‌ను రాజకీయాల్లోకి వెళ్లవద్దని హెచ్చరించానన్నారు.

Also Read: Hyderabad: సీఎం చంద్రబాబును కలిసి సహాయ నిధికి విరాళాలు అందించిన ప్రముఖులు

సమాజానికి సేవ చేయమని అతడిని కోరినట్లు తెలిపారు. తద్వారా మనస్సు సంతోషంతో నిండిపోతుందని కేజ్రీవాల్‌కు వివరించానని చెప్పారు. ఇదే అంశాన్ని కేజ్రీవాల్‌కు పలుమార్లు సూచించానని ఈ సందర్భంగా ఆయన గుర్తు చేసుకున్నారు. కానీ తన సూచనలను కేజ్రీవాల్ అంతగా పట్టించుకోలేదని తెలిపారు. కానీ ఈ రోజు జరగాల్సినది మాత్రం జరిగిపోయిందన్నారు. అయినా కేజ్రీవాల్ హృదయంలో ఏముందో తనకు ఎలా తెలుస్తుందంటూ? విలేకర్లను అన్నా హజారే ప్రశ్నించారు.

Also Read: Haryana Assebly Elections: ఆప్ చేతిలో దెబ్బ తప్పదా..?

సీఎం అరవింద్ కేజ్రీవాల్ విషయంలో అన్నా హజారే స్పందించడం ఇదే తొలిసారి కాదు. గతంలో.. అంటే ఢిల్లీ మద్యం కేసులో మనీ లాండరింగ్ వ్యవహారంలో అరవింద్ కేజ్రీవాల్‌ను ఈ ఏడాది మార్చి 21న ఈడీ అరెస్ట్ చేసింది. అనంతరం ఈ అంశంపై అప్పుడే అన్నాహజారే స్పందించిన విషయం విధితమే. కేజ్రీవాల్ అరెస్ట్‌తో తాను అప్‌సెట్ అయినట్లు తెలిపారు.

Also Read: Delhi CM: అరవింద్ కేజ్రీవాల్ వారసురాలు అతిషేనా..?

మద్యం విధానాలకు వ్యతిరేకంగా కేజ్రీవాల్‌తోపాటు తాను పోరాటం చేశానన్నారు. ఆ క్రమంలో అతడితో కలిసి నిరసన గళం సైతం వినిపించానని పేర్కొన్నారు. కేజ్రీవాల్ అరెస్ట్‌తో తాను తీవ్రంగా అప్‌సెట్ అయ్యానన్నారు. కానీ కేజ్రీవాల్ సొంత అవసరాల కోసం అరెస్టయ్యారని అన్నా హజారే గతంలో పేర్కొన్న సంగతి తెలిసిందే.

Also Read: Jharkhand: విపక్షాలపై ప్రధాని మోదీ విసుర్లు

ఢిల్లీ మద్యం కుంభకోణం కేసులో అరవింద్ కేజ్రీవాల్‌కు సుప్రీంకోర్టు శుక్రవారం షరతులతో కూడిన బెయిల్ మంజూరు చేసింది. ఆదివారం న్యూఢిల్లీలోని ఆప్ కేంద్ర కార్యాలయంలో పార్టీ శ్రేణులతో కేజ్రీవాల్ భేటీ అయ్యారు. ఈ సందర్భంగా ముఖ్యమంత్రి పదవికి రెండు రోజుల్లో రాజీనామా చేస్తున్నట్లు ప్రకటించారు. ఈ నేపథ్యంలో సామాజిక కార్యకర్త అన్నాహజారే పై విధంగా స్పందించారు.

Also Read: Serilingampally MLA: అరెకపూడి గాంధీ నివాసానికి భారీగా చేరుకున్న పోలీసులు

ఇక కేజ్రీవాల్ వారసులు ఎవరనే ఓ చర్చ సైతం ఊపందుకుంది. ఆ క్రమంలో ఢిల్లీ విద్యాశాఖ మంత్రి అతిషి పేరు వైరల్ అవుతుంది. అదీకాక న్యూఢిల్లీ అసెంబ్లీ ఎన్నికలు 2025, ఫిబ్రవరిలో జరగనున్నాయి. ఈ నేపథ్యంలో మళ్లీ ఢిల్లీ పీఠం అధిష్టించేందుకు కేజ్రీవాల్ సారథ్యంలోని ఆప్ పార్టీ వ్యూహాత్మకంగా అడుగులు వేస్తుంది.

Also Read: Serilingampally MLA: అరెకపూడి గాంధీ నివాసానికి భారీగా చేరుకున్న పోలీసులు

For More National News and Telugu News