Nitin Gadkari : ప్రధాని అయ్యే అవకాశం వచ్చినా తిరస్కరించాను
ABN , Publish Date - Sep 15 , 2024 | 03:34 AM
కేంద్రమంత్రి నితిన్‌ గడ్కరీ సంచలన వ్యాఖ్యలు చేశారు. తనకు ప్రధాని అయ్యే అవకాశం వచ్చినా.. తాను ఆ ప్రతిపాదనను తిరస్కరించానని చెప్పారు.
నాగ్‌పూర్‌, సెప్టెంబరు 14: కేంద్రమంత్రి నితిన్‌ గడ్కరీ సంచలన వ్యాఖ్యలు చేశారు. తనకు ప్రధాని అయ్యే అవకాశం వచ్చినా.. తాను ఆ ప్రతిపాదనను తిరస్కరించానని చెప్పారు. శనివారం నాగ్‌పూర్‌లో జర్నలిజం అవార్డుల వేడుకలో పాల్గొన్న ఆయన మాట్లాడుతూ, ‘‘ఒకసారి ఓ నేత నా వద్దకు వచ్చారు. మీరు ప్రధాని రేసులో నిలబడితే మేమంతా మీకు మద్దతు పలుకుతామని ఆయన నాతో చెప్పారు. అయితే, ప్రధాని కావడం నా లక్ష్యం కాదు. నేను అనుకున్న దానికి నేను ఎప్పుడూ కట్టుబడి ఉంటాను.’’ అని కరాఖండీగా ఆయనతో చెప్పానని తెలిపారు. ఏ నేతతో ఎప్పుడు ఈ వ్యాఖ్యలు చేసింది ఆయన చెప్పలేదు.
