Nitin Gadkari: మేము మళ్లీ అధికారంలోకి వస్తామో రామో కానీ... గడ్కరీ టీజింగ్

నాగ్‌పూర్: కేంద్ర మంత్రి నితిన్ గడ్కరి (Nitin Gakari) ఎక్కడుంటే అక్కడ వాతావరణం అహ్లాదకరంగా మారిపోతుంటుంది. చమత్కారపు మాటలతో అందర్నీ హాయిగా నవ్విస్తుంటారు. ఈసారి ఆయన తన సహచర మంత్రి రాందాస్ అథవాలే‌ (Ramdas Athawale)ను టీజ్ చేశారు. కేబినెట్ పోస్ట్‌ను నిలబెట్టుకోవడంలో అథవాలేకు ఉన్న సామర్థ్యాన్ని సెటైరికల్‌గా చెబుతూ...''మా ప్రభుత్వం నాలుగో సారి అధికారంలోకి వస్తుందో లేదో ఇతమత్ధంగా చెప్పలేను. కానీ రాందాస్ అథవాలే మంత్రి అవుతారనే గ్యారెంటీ మాత్రం ఉంది'' అని అన్నారు.

Pune Airport: పుణె విమానాశ్రయానికి 'సంత్ తుకారాం మహరాజ్' పేరు

నాగపూర్‌లో సోమవారం జరిగిన కార్యక్రమంలో గడ్కరీ ఈ సెటైర్ వేసినప్పుడు అథవాలే కూడా వేదికపై ఉన్నారు. గడ్కరీ వ్యాఖ్యలతో అందరూ చిరునవ్వులు చిందించగా, 'జస్ట్ జోక్ చేస్తున్నా' అంటూ గడ్కరి తిరిగి అక్కడి వాతావరణాన్ని మరింత అహ్లాద పరిచారు. రిపబ్లికన్ పార్టీ ఆఫ్ ఇండియా (ఆర్‌పీఐ) నేత అయిన అథవాలే వరుసగా మూడుసార్లు కేంద్ర మంత్రిగా బాధ్యతలు చేపట్టారు. బీజేపీ మరోసారి అధికారంలోకి వస్తే తాను మంత్రిగా కొనసాగుతాననే థీమాను వ్యక్తం చేశారు. మహారాష్ట్రలోని అధికార మహాయుతి ప్రభుత్వంలోనూ ఆర్‌పీఐ (ఏ) భాగస్వామిగా ఉంది.

Read More National News and Latest Telugu News

Also Read: Narendra Modi: యూఎస్‌లో మరో రెండు భారతీయ రాయబార కార్యాలయాలు ఏర్పాటు