నిజం వెలుగులోకి వస్తోంది..

• ‘ది సబర్మతీ రిపోర్టు’పై ప్రధాని మోదీ ప్రశంసలు

న్యూఢిల్లీ, నవంబరు 17: గోద్రా రైలు దహనకాండ, గుజరాత్‌ అల్లర్లపై తెరకెక్కిన ‘ది సబర్మతీ రిపోర్టు’ సినిమాపై ప్రధాని నరేంద్ర మోదీ ప్రశంసలు కురిపించారు. సినిమా ద్వారా అసలు నిజం వెలుగులోకి వస్తోందంటూ వ్యాఖ్యానించారు. అది కూడా సామాన్యులకు అర్థమయ్యేలా చూపించారని చిత్ర బృందాన్ని కొనియాడారు. ఈ చిత్రం తప్పక చూడాల్సిన సినిమా అంటూ ‘ఎక్స్‌’లో ఓ నెటిజన్‌ పెట్టిన సుదీర్ఘ పోస్టును షేర్‌ చేసి మోదీ స్పందించారు. ‘నిజం బయటికొస్తోంది. కల్పిత కథలు కొంతకాలమే కొనసాగుతాయి. వాస్తవాలు ఎప్పటికైనా బయటికి రాక తప్పదు’ అంటూ పేర్కొన్నారు. మోదీ గుజరాత్‌ సీఎంగా ఉన్నప్పుడు (2002లో) గోద్రాలో కొందరు దుండగులు సబర్మతీ ఎక్స్‌ప్రె్‌సకు నిప్పంటించి.. దాడులకు పాల్పడ్డారు. ఈ ఘటనలో 58 మంది ప్రాణాలు కోల్పోయారు. అనంతరం గుజరాత్‌ అంతటా అల్లర్లు వ్యాపించి వందలాది మంది మరణించారు.