Chandrababu: సీఎంగా బాధ్యతలు స్వీకరించిన చంద్రబాబు

అమరావతి: ఆంధ్రప్రదేశ్‌లోని సచివాలయంలో గురువారం నారా చంద్రబాబు నాయుడు ముఖ్యమంత్రిగా బాధ్యతలు స్వీకరించారు. సచివాలయం మొదటి బ్లాక్‌లోని సీఎం ఛాంబర్‌లో ప్రత్యేక పూజలు చేసి బాధ్యతలు చేపట్టారు. అనంతరం ఎన్నికల్లో హామీ ఇచ్చినట్లుగానే మొదటి సంతకం మెగా డీఎస్సీ ఫైల్ పైనే చేశారు. 16,347 పోస్టులతో డీఎస్సీ కోసం తొలి సంతకం చేశారు. ల్యాండ్ టైటిలింగ్ యాక్ట్‌ను రద్దు చేస్తూ రెండో ఫైల్‌పై సంతకం చేశారు. సామాజిక పింఛన్లు రూ.4వేలకు పెంపుపై మూడో సంతకం, అన్నా క్యాంటీన్ల పునరుద్ధరణపై నాలుగు, నైపుణ్య గణనపై చంద్రబాబు ఐదో సంతకం చేశారు.