డయేరియా బాధితులను పరామర్శించిన పవన్ కల్యాణ్

విజయనగరం జిల్లా: బలిజిపేట మండలం పెద్దపెంకిలో బోద వ్యాధి వ్యాప్తి చెందకుండా చర్యలు చేపట్టాలని ఉప ముఖ్యమంత్రి పవన్‌కల్యాణ్‌ ఆదేశించారు. సోమవారం విజయనగరం జిల్లా, గుర్ల మండలంలో డయేరియా బాధితులను ఆయన పరామర్శించారు. అనంతరం విజయనగరం కలెక్టరేట్‌లో ఉమ్మడి జిల్లాల కలెక్టర్లు, అధికారులతో సమీక్షించారు. బోద వ్యాప్తి చెందకుండా పరిసరాల పరిశ్రుభత, ఇతర ఆరోగ్య పరిస్థితులపై చర్యలు చేపట్టాలన్నారు. ఏప్రిల్‌ నెల నుంచి విస్తృతంగా పారిశుధ్య కార్యక్రమాలు చేపడుతున్నామని, ఫాగింగ్‌ కూడా నిర్వహిస్తున్నామని కలెక్టర్‌ శ్యామ్‌ ప్రసాద్‌ తెలిపారు. రక్షిత పథకాల వద్ద క్లోరినేషన్‌ చేస్తున్నామన్నారు.