Congress: ఉదండాపూర్ రిజర్వాయర్‌ను పరిశీలించిన మంత్రులు

మహబూబ్‌నగర్: జడ్చర్ల నియోజకవర్గ ఉదండాపూర్ రిజర్వాయర్‌ను మంత్రులు ఉత్తంకుమార్ రెడ్డి, జూపల్లి కృష్ణారావు, నాగర్ కర్నూల్ ఎంపీ మల్లురవి, జడ్చర్ల ఎమ్మెల్యే అనిరుద్ రెడ్డి, మహబూబ్‌నగర్ ఎమ్మెల్యే శ్రీనివాస్ రెడ్డి, దేవరకద్ర ఎమ్మెల్యే మధుసూదన్ రెడ్డి, భక్తల్ ఎమ్మెల్యే వాకిటి శ్రీహరి, జిల్లా కలెక్టర్ విజయేంద్ర బోయి, ఎస్పీ జానకి తదితరులు పరిశీలించారు. ఈ శాసనసభ ముగిసేలోపు పాలమూరు-రంగారెడ్డి ఎత్తిపోతుల పథకం పూర్తిచేసి 12 లక్షల ఎకరాలకు సాగునీరు అందించే బాధ్యత తమదని, జిల్లాల్లోని ఇతర పెండింగ్ ప్రాజెక్టులు అన్నీ కూడా పూర్తి చేస్తామని, అది మా ఏకైక లక్ష్యమని మంత్రి ఉత్తమ్ కుమార్ రెడ్డి స్పష్టం చేశారు.