Viral Video: టూరిస్టుల ఎదుటే చెలరేగిన దున్నపోతు.. తినబోయిన సింహంపై ఎలా తిరగబడిందో చూడండి..
ABN , Publish Date - Feb 16 , 2024 | 05:55 PM
అడవికి రాజు ఎవరంటే సింహం అని టక్కున చెబుతాం. ఓ జంతువైనా ఒక్కసారి సింహం కంటపడిందంటే.. ఇద దాని చేతిలో అడవిలో ఎలాంటి జంతువైనా సింహాల చేతిలో ప్రాణాలు వదలాల్సిందే. అయితే...
అడవికి రాజు ఎవరంటే సింహం అని టక్కున చెబుతాం. ఓ జంతువైనా ఒక్కసారి సింహం కంటపడిందంటే.. ఇద దాని చేతిలో అడవిలో ఎలాంటి జంతువైనా సింహాల చేతిలో ప్రాణాలు వదలాల్సిందే. అయితే కొన్నిసార్లు ఇందుకు పూర్తి విరుద్ధంగా జరుగుతుంటుంది. ఆవేశంగా వేటకు వెళ్లిన సింహాలు.. తోక ముడుచుకుని పారిపోవాల్సిన పరిస్థితి ఎదురవుతుంటుంది. కొన్నిసార్లు ఏకంగా ప్రాణాలు పోయే పరిస్థితి తలెత్తుంటుంది. ఇలాంటి వీడియోలు సోషల్ మీడియాలో తెగ వైరల్ అవుతుంటాయి. తాజాగా, ఈ తరహా ఘటనకు సంబంధించిన వీడియో ఒకటి నెట్టింట తెగ చక్కర్లు కొడుతోంది. ఓ దున్నపోతు టూరిస్టుల ఎదుటే చెలరేగిపోయింది.
సోషల్ మీడియాలో ఓ వీడియో (Viral Video) తెగ వైరల్ అవుతోంది. ఆఫ్రికాలోని (Africa) ఓ అడవిలో రైడ్‌కు వెళ్లిన టూరిస్టులకు షాకింగ్ దృశ్యం కనిపించింది. పలు వాహనాల్లో అడవిలో చక్కర్లు కొడుతున్న వారికి ఓ ప్రదేశంలో దున్నపోతుపై (lion attacked on African buffalo) సింహం దాడి చేయడం కనిపించింది. దీంతో చివరకు ఏం జరుగుతుందో చూడాలనే ఉద్దేశంతో వారంతా వాహనాలను రోడ్డుపై నిలిపేశారు. దున్నపోతు మెడ పట్టుకుని సింహం చంపడానికి ప్రయత్నించింది. అయితే దున్నపోతు ఏమాత్రం తగ్గకుండా సింహాన్ని ఈడ్చుకుంటూ రోడ్డు వద్దకు వచ్చింది. టూరిస్టులు ఉన్న వాహనాల మధ్యలో రెండింటి మధ్య చాలా సేపు పోరాటం జరుగుంది.
Viral Video: వీడియో తీయాలని చూడగా ఫోన్ ఎత్తుకెళ్లిన నక్క.. కొద్దిదూరం వెళ్లాక అది చేసిన నిర్వాకం..
ఓవైపు దున్నపోతును తినేందుకు సింహం ప్రయత్నిస్తుంటే.. మరోవైపు దాన్నుంచి తప్పించుకునేందుకు దున్నపోతు విశ్వప్రయత్నం చేసింది. అయితే చివరకు దున్నపోతుదే పైచేయి అయింది. సింహాన్ని గట్టిగా విదిలించడంతో దున్నపోతును వదిలేసి పారిపోయింది. పారిపోవాల్సిన దున్నపోతు.. అందుకు విరుద్ధంగా సింహాన్ని పరుగులు పెట్టించింది. చాలా దూరం వరకు సింహాన్ని తరిమి తరిమి కొట్టింది. ఈ ఘటనను టూరిస్టులు ఆసక్తిగా తిలకించారు. చివర్లో దున్నపోతు ధైర్యాన్ని చూసి ఈలలు, కేకలు వేస్తూ ఎంజాయ్ చేశారు. కాగా, ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. ‘‘ఈ దున్నపోతు టాలెంట్ మామూలుగా లేదుగా’’.. అంటూ కొందరు, ‘‘సింహానికి చుక్కలు చూపించిన దున్నపోతు’’.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ వీడియో ప్రస్తుతం 12వేలకు పైగా వ్యూస్‌ను సొంతం చేసుకుంది.
Viral Video: పంటపొలాల్లో చక్కర్లు కొట్టిన విమానం.. ఈ కుర్రాళ్ల తెలివితేటలు మామూలుగా లేవుగా..
