Viral News: వామ్మో.. ఇంటి బయట నల్ల చిరుత.. సీసీ ఫుటేజీ చూసి గజ్జుమన్న ఇంటి ఓనర్

నీలగిరి: అటవీ విస్తీర్ణం తగ్గడంతో కూృరమృగాలు జనావాసాల్లోకి వస్తున్నాయి. మధ్యాహ్న సమయంలో అయితే అటవీ అధికారులకు సమాచారం ఇస్తుంటారు. లేదంటే నలుగురు కలిసి ఆ మృగాన్ని తరిమి వేసే ప్రయత్నం చేస్తారు. రాత్రి సమయాల్లో ఇంటి పరిసరాల్లోకి వస్తే ఇక అంతే సంగతులు. తమిళనాడు నీలగిరిలో అర్ధరాత్రి ఓ ఇంటి ముందర నల్ల చిరుత (Black Panther) అటు, ఇటు తిరిగింది. తెల్లవారి ఫుటేజీ చూసిన ఇంటి యజమాని తీవ్ర భయాందోళనకు గురయ్యారు.

నీలగిరిలో గల ఓ ఇంటి వద్ద గత ఏడాది ఆగస్ట్‌లో (August) ఈ ఘటన జరిగింది. ఆ వీడియో ఐఎఫ్ఎస్ అధికారి పర్వీన్ కశ్వాన్ వద్దకు చేరింది. ఫిబ్రవరి 16వ తేదీన సోషల్ మీడియా ఎక్స్‌లో వీడియోను షేర్ చేశారు. 36 సెకన్ల నిడివి గల ఆ వీడియోలో నల్ల చిరుత మెల్లగా వచ్చి, వెళ్లే దృశ్యాలు కనిపించాయి. ఆ వీడియో సోషల్ మీడియాలో పోస్ట్ చేయడంతో తెగ వైరల్ అవుతోంది.

నల్ల చిరుత ఎక్కడ కనిపిస్తుందో తెలుసా అని ఆ వీడియోకు పర్వీన్ క్యాప్షన్ చేశారు. వీడియోను ఇప్పటికే లక్ష సార్లు చేశారు. వీడియో చూసి భయమేసిందని కొందరు రాశారు. వీడియో మనోహరంగా, అందంగా ఉందని మరికొందరు అభిప్రాయ పడ్డారు. నల్ల చిరుతలకు చాలా సిగ్గు, అలాంటి చిరుతలు జనం ఉన్న చోట ఎలా తిరుగుతాయని ఒకరు రాశారు. ఆ వీడియో చూసిన వెంటనే భయంతో కూడిన ఆనందం వేసిందని మరొకరు రాశారు.

మరిన్ని వైరల్ న్యూస్ కోసం ఈ లింక్ క్లిక్ చేయండి.