Watch Video: తల్లి కోసం పిల్ల చేపల ఆరాటం.. అది చూసిన జాలరి ఏం చేశాడంటే.. బ్యూటీఫుల్ వీడియో

Viral Video: సాధారణంగా ఓ జాలరికి చేప దొరికితే.. ఆ రోజు అతనికి పెద్ద పండగే. కానీ, ఓ జాలరి మాత్రం తన వలకు చిక్కిన చేపను పెద్ద మనసు చేసుకుని తిరిగి నీటిలోనే వదిలేశాడు. పైగా తాను చేసిన పనికి చాలా సంతోషించాడు. ఇందుకు సంబంధించిన వీడియో వైరల్ అవగా.. వీడియోను చూసిన నెటిజన్లు సైతం ఆ జాలరికి హ్యాట్సాఫ్ చెబుతున్నారు. మరి వలకు చిక్కిన చేపను అతను వదిలేయడానికి కారణమేంటి? ఆ జాలరి చేపను ఎందుకు వదిలేశాడు..? అక్కడ ఏం జరిగింది? తెలియాలంటే.. ఈ బ్యూటీఫుల్ వీడియోను చూడాల్సిందే.

వైరల్ అవుతున్న వీడియోలో ఓ జాలరి చిన్న వల సాయంతో చేపలు పడుతున్నాడు. ఇంతలో తన వలకు ఓ చేప చిక్కింది. దానిని బయటకు తీశాడు. కానీ, అప్పుడే ఆ నీటిలో కనిపించిన ఓ దృశ్యం అతని హృదయాన్ని కరిగించింది. జాలరి వలకు చిక్కిన పెద్ద చేప చుట్టూ భారీ సంఖ్యలో పిల్ల చేపలు వచ్చి చేరాయి. తల్లి చేప దూరమవుతుంటే తట్టుకోలేక.. అవి దాని చుట్టూ తిరిగాయి. దాంతో కరిగిపోయిన జాలరి.. తల్లి చేపను తిరిగి నీటిలోకి వదిలేశాడు. దాంతో ఆ తల్లి చేప, పిల్ల చేపలు కలిసి హ్యాపీగి నీటిలోపలికి వెళ్లిపోయాయి. ఈ బ్యూటీఫుల్ సీన్‌ను వీడియో తీసి సోషల్ మీడియాలో పోస్ట్ చేయగా.. అదికాస్తా వైరల్ అయ్యింది. మరెందుకు ఆలస్యం.. ఈ వీడియోను మీరూ చూసేయండి.