Viral Video: ఈ అంకుల్ మాములుగా లేడుగా..
ABN , Publish Date - Sep 24 , 2024 | 04:47 PM
మెట్రోలో ఓ అంకుల్ రెచ్చిపోయాడు. అద్దం ముందు నిల్చొని స్టెప్పులు వేశాడు. పక్కన ఉన్న ప్రయాణికులను పట్టించుకోలేదు. ఆ వీడియో సోషల్ మీడియాలో షేర్ చేయడంతో తెగ వైరల్ అవుతోంది.
డ్యాన్స్ (Dance) అంటే చాలు కొందరు భయ పడతారు. ఓ నాలుగు స్టెప్పులు వేయలేమని భావిస్తారు. పెళ్లిళ్ల సమయంలో జరిగే బరాత్ వేడుకకు దూరంగా ఉంటారు. మరికొందరు బాత్ రూమ్, లేదంటే ఇంట్లో ఒంటరిగా ఉన్న సమయంలో కాలు కదుపుతారు. కింద ఉన్న ఓ వీడియోలో ఒకతను పబ్లిక్ ప్లేసులో డ్యాన్స్ చేశాడు. స్టెప్పులు వేయడమే కాదు, తనను తాను అద్దంలో చూసుకొని మురిసిపోయాడు.
డ్యాన్స్ చూడండి..
ఆ వీడియోను ఇన్ స్టాగ్రామ్‌లో ఢిల్లీ మేరి జాన్ పేరుతో ఒకరు పోస్ట్ చేశారు. వీడియోలో అతని కదలికలను గమనించండి (వెయిట్ ఫర్ హిస్ మూవ్స్) అని క్యాప్షన్ ఇచ్చారు. ఆ వీడియో సోషల్ మీడియాలో తెగ చక్కర్లు కొడుతోంది. వీడియోలో ఉన్న అంకుల్ లైట్ యెల్లో కలర్ షర్ట్, బ్లూ జీన్స్ వేసుకొని ఉన్నాడు. కళ్లకు అద్దాలు పెట్టుకొని.. మెట్రోలో ఉన్న అద్దాలను చూస్తూ స్టెప్పులు వేస్తున్నాడు. అటు, ఇటు తిరుగుతూ అతను చేసే స్టెప్పులను గమనించవచ్చు.
అందంగా ఉన్నారా..?
మెట్రోలో ఇతరులు కూడా ఉన్నారు. అంకుల్ ఏమాత్రం పట్టించుకోలేదు. స్టెప్పులు వేస్తూ ఉండి పోయారు. ఆ వీడియోకు చాలా మంది లైక్ చేశారు. నెటిజన్ల కామెంట్లతో ఆ సెక్షన్ నిండిపోయింది. ఇక్కడ ఉన్న వారిలో నా కన్న అందంగా ఎవరైనా ఉన్నారా అని ఓ యూజర్ రాశారు. అతను మంచి జీవితం కలిగి ఉన్నాడని ఇంకొకరు కామెంట్ చేశారు. డ్యాన్స్ చేస్తూ అతను ఎంజాయ్ చేస్తున్నాడని, డిస్టర్బ్ చేయొద్దని మరొకరు అభిప్రాయ పడ్డారు. మనం ఎలా జీవిస్తున్నామో తెలుసా అని ఇంకొకరు రాశారు. ఒక్కొక్కరు ఒకవిధంగా కామెంట్ చేశారు.
వివాదాస్పదం
ఢిల్లీ మెట్రో అంటేనే కాంట్రవర్సీగా కేంద్ర బిందువు. మెట్రోలో డ్యాన్స్ చేయడం, అమ్మాయిలు కురచ దుస్తులు ధరించే వీడియోలు, గొడవలకు సంబంధించిన వీడియోలు వైరల్ అయ్యాయి. ప్రస్తుతం ఓ అంకుల్ డ్యాన్స్ చేసిన వీడియో సోషల్ మీడియాలో ట్రెండ్ అవుతోంది.
ఇవి కూడా చదవండి:
Pawan Kalyan: హీరో కార్తీకి పవన్ కల్యాణ్ వార్నింగ్
Tirumala Laddu Controversy: పొన్నవోలు, ప్రకాష్ రాజ్‌ వ్యాఖ్యలపై ఓ రేంజ్‌లో ఫైర్ అయిన పవన్
మరిన్ని వైరల్ న్యూస్ కోసం ఈ లింక్ క్లిక్ చేయండి.
