Chandampet: 85 ఏళ్ల వృద్ధురాలిపై అత్యాచారం!
ABN , Publish Date - Jun 13 , 2024 | 03:32 AM
మద్యం మత్తులో 85 ఏళ్ల వృద్ధురాలిపై అత్యాచారానికి ఒడిగట్టాడో దుర్మార్గుడు. నల్లగొండ జిల్లా చందంపేట మండలంలో ఈ ఘటన జరిగింది. ఎస్సై సతీశ్‌ వివరాల ప్రకారం.. మండల కేంద్రానికి 20 కిలోమీటర్ల దూరంలో ఉన్న గ్రామంలో ఓ వృద్ధురాలు ఒంటరిగా నివసిస్తోంది.
మద్యం మత్తులో ఓ వ్యక్తి ఘాతుకం
చందంపేట, జూన్‌ 12: మద్యం మత్తులో 85 ఏళ్ల వృద్ధురాలిపై అత్యాచారానికి ఒడిగట్టాడో దుర్మార్గుడు. నల్లగొండ జిల్లా చందంపేట మండలంలో ఈ ఘటన జరిగింది. ఎస్సై సతీశ్‌ వివరాల ప్రకారం.. మండల కేంద్రానికి 20 కిలోమీటర్ల దూరంలో ఉన్న గ్రామంలో ఓ వృద్ధురాలు ఒంటరిగా నివసిస్తోంది. ఆమె భర్త కొంతకాలం క్రితం మృతిచెందాడు. ఆమె ముగ్గురు కుమార్తెలకు పెళ్లయి అత్తగారింట్లో ఉంటున్నారు. ఏకైక కుమారుడేమో హైదరాబాద్‌లో ఉంటున్నాడు.
అదే గ్రామస్థుడు, తాగుడుకు బానిసై, పనీపాటా లేకుండా ఖాళీగా తిరుగుతున్న చాట్ల బలరామ్‌ అనే వ్యక్తి మంగళవారం రాత్రి మద్యం మత్తులో వృద్ధురాలి ఇంట్లోకి చొరబడి అత్యాచారం జరిపాడు. వృద్ధురాలి అరుపులకు చుట్టుపక్కల వారు రావడంతో బలరామ్‌ పరారయ్యాడు. స్థానికులు చికిత్స నిమిత్తం బాధితురాలిని దేవరకొండ ప్రభుత్వాస్పత్రికి తరలించి హైదరాబాద్‌లో ఉంటున్న కుమారుడికి సమాచారమిచ్చారు. బాధిత కుటుంబసభ్యుల ఫిర్యాదు మేరకు కేసు నమోదైంది. నిందితుడు బలరామ్‌ను అదుపులోకి తీసుకున్నారు.
