Gachibowli: 8 నుంచి హైదరాబాద్‌లో అగ్నివీర్‌ల ఎంపిక
ABN , Publish Date - Nov 24 , 2024 | 03:59 AM
హైదరాబాద్‌లో వచ్చే నెల 8 నుంచి 16 వరకు అగ్నివీర్‌ల నియామక ర్యాలీ ఉందని ఆర్మీ రిక్రూట్‌మెంట్‌ బోర్డు తెలిపింది. గచ్చిబౌలిలోని జీఎంసీ బాలయోగి స్టేడియంలో అగ్నివీర్‌ల ఎంపిక ప్రక్రియ నిర్వహిస్తున్నారు.
హైదరాబాద్‌, నవంబరు 23 (ఆంధ్రజ్యోతి) : హైదరాబాద్‌లో వచ్చే నెల 8 నుంచి 16 వరకు అగ్నివీర్‌ల నియామక ర్యాలీ ఉందని ఆర్మీ రిక్రూట్‌మెంట్‌ బోర్డు తెలిపింది. గచ్చిబౌలిలోని జీఎంసీ బాలయోగి స్టేడియంలో అగ్నివీర్‌ల ఎంపిక ప్రక్రియ నిర్వహిస్తున్నారు. పదో తరగతి అర్హతగా ఉన్నవారు అగ్నివీర్‌ జనరల్‌ డ్యూటీ, టెక్నికల్‌, క్లర్క్‌, స్టోర్‌ కీపర్‌ పోస్టులకు దరఖాస్తు చేసుకోవచ్చని సృష్టం చేశారు. ట్రేడ్స్‌మెన్‌ పోస్టుకు ఎనిమిదవ తరగతి అర్హత సరిపోతుందన్నారు.
వారం రోజుల పాటు రిక్రూట్‌మెంట్‌ జరుగుతుందని తెలిపారు. అలాగే గతంలో ఎంపికలు నిర్వహించిన మిలటరీ పోలీసు అభ్యర్థులు ఈ ఏడాది ఫిబ్రవరి 12నాటి నోటిఫికేషన్‌ ప్రకారం విద్యార్హత, స్థానికత, కుల ధ్రువీకరణ, ఈబీసీ తదితర డాక్యుమెంట్లు తీసుకురావాలన్నారు. మిలటరీ పోలీసు అఽభ్యర్థులు తమిళనాడు, తెలంగాణ, ఏపీ, పుదుచ్చేరి నుంచి రానున్నారని తెలిపారు.
