Hyderabad : ఈ-పాస్‌ ద్వారానే ఎరువులు విక్రయించాలి!
ABN , Publish Date - Jul 31 , 2024 | 02:52 AM
ఎరువుల అమ్మకం కచ్చితంగా ఈ- పాస్‌ ద్వారానే జరగాలని, అది కూడా కొనుగోలుదారు ఆధార్‌ అథెంటికేషన్‌ తప్పనిసరిగా ఉండాలని వ్యవసాయ శాఖ ఆదేశాలు జారీ చేసింది.
కొనుగోలుదారు ఆధార్‌ తప్పనిసరి : వ్యవసాయ శాఖ
హైదరాబాద్‌, జూలై 30 (ఆంధ్రజ్యోతి): ఎరువుల అమ్మకం కచ్చితంగా ఈ- పాస్‌ ద్వారానే జరగాలని, అది కూడా కొనుగోలుదారు ఆధార్‌ అథెంటికేషన్‌ తప్పనిసరిగా ఉండాలని వ్యవసాయ శాఖ ఆదేశాలు జారీ చేసింది.
ఎరువుల సరఫరాకు సంబంధించి మంగళవారం వ్యవసాయ శాఖ కార్యదర్శి రఘునందన్‌రావు మార్గదర్శకాలను విడుదల చేశారు. ప్రతీ జిల్లాలో 5 వేల మెట్రిక్‌ టన్నుల యూరియాను మార్క్‌ఫెడ్‌ తప్పనిసరిగా బఫర్‌ స్టాక్‌ ఉంచాలని ఆదేశించారు. పీఏసీఎ్‌సలు, డీసీఎంఎస్‌, ఏఆర్‌కేఎ్‌సలు, మ్యాక్స్‌లను రిటైలర్లుగా పరిగణిస్తామని, ఈ సంస్థలు ఎరువులను రైతులకు మాత్రమే విక్రయించాలన్నారు.
మరో డీలర్‌కు అమ్మకూడదని పేర్కొన్నారు. యూరియా రేక్‌లో కనీసం 60 శాతం మార్క్‌ఫెడ్‌కు కేటాయించేలా డీఏవో చర్యలు తీసుకోవాలన్నారు. ఇక ‘పీక్‌ సీజన్‌’లో నిర్దిష్ట డీలర్‌కు రోజుకు 2 ట్రక్కులకు మాత్రమే అనుమతి ఇవ్వాలన్నారు.
