TS News: కమ్యూనిస్టులు ఎప్పుడూ సమాజం పక్షానే : కూనంనేని

భద్రాద్రి కొత్తగూడెం: సమాజం పక్షాన కమ్యూనిస్ట్‌లు ఎప్పుడూ నిలుస్తారని సీపీఐ రాష్ట్ర కార్యదర్శి, కొత్తగూడెం ఎమ్మెల్యే కూనంనేని సాంబశివరావు ( Kunamneni Sambasiva Rao ) అన్నారు. మంగళవారం నాడు సీపీఐ కార్యాలయంలో ఆయన మీడియాతో మాట్లాడుతూ.. ప్రజల గొంతుక కోసం సీపీఐని గెలిపించారని చెప్పారు. కష్టజీవులు, కార్మికవర్గం, జర్నలిస్ట్‌లతో సహా ప్రతివర్గం పక్షాన అసెంబ్లీలో సమస్యలను పరిష్కరిస్తానని చెప్పారు. సింగరేణి ఎన్నికల్లో కార్మికులు సీపీఐని ఆదరించారని తెలిపారు. కొత్తగూడెం ప్రాంతంలో కొత్త బొగ్గు గనులపై దృష్టిసారించినట్లు చెప్పారు. కొత్తగూడెం - పాల్వంచ కార్పొరేషన్ కోసం ప్రతిపాదనలు తీసుకువచ్చినట్లు తెలిపారు. 6 పథకాల ద్వారా పేదలకు ప్రభుత్వ పథకాలు అందిస్తామని అన్నారు. కొత్తగూడెంలో నిరంతరాయంగా అభివృద్ధి, సంక్షేమం కొనసాగిస్తామని తెలిపారు. కొత్తగూడెంలో జర్నలిస్ట్ కాలనీ ఏర్పాటు చేస్తామని ఎమ్మెల్యే కూనంనేని సాంబశివరావు అన్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి...