నైతిక విలువలు లేని వ్యక్తి కేజ్రీవాల్‌ : కేంద్ర మంత్రి కిషన్‌ రెడ్డి
ABN , Publish Date - Sep 23 , 2024 | 04:14 AM
ఏ మాత్రం నైతిక విలువలు లేని వ్యక్తి కేజ్రీవాల్‌లని కేంద్ర మంత్రి కిషన్‌ రెడ్డి ఆదివారం విమర్శించారు.
న్యూఢిల్లీ, సెప్టెంబరు 22 (ఆంధ్రజ్యోతి): ఏ మాత్రం నైతిక విలువలు లేని వ్యక్తి కేజ్రీవాల్‌లని కేంద్ర మంత్రి కిషన్‌ రెడ్డి ఆదివారం విమర్శించారు. మద్యం కుంభకోణంలో జైలుకెళ్లిన వ్యక్తి, కుటుంబాలు, వారి సంక్షేమం గురించి ఆలోచించని నాయకుడు, ప్రజల ఆరోగ్యాలను పణంగా పెట్టి డబ్బులు సంపాదించాలని చూసిన నేత అని మండిపడ్డారు. తనను నమ్మి అధికారాన్ని అప్పగించినా వారి జీవితాల్లో సానుకూల మార్పులు తీసుకురానందుకు ఢిల్లీ ప్రజలకు కేజ్రీవాల్‌ క్షమాపణలు చెప్పాలని డిమాండ్‌ చేశారు. ఆర్‌ఎ్‌సఎస్‌ అగ్రనేత మోహన్‌ భగవత్‌ని కేజ్రీవాల్‌ ఐదు ప్రశ్నలు వేయడం హాస్యాస్పదంగా ఉందని ఆక్షేపించారు
