Rain Alert: నేడు, రేపు భారీ వర్షాల..
ABN , Publish Date - Oct 10 , 2024 | 04:14 AM
రాష్ట్రంలో గురు, శుక్రవారాల్లో తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది.
పలు జిల్లాలకు ఎల్లో అలెర్ట్‌ జారీ
హైదరాబాద్‌, అక్టోబరు 9 (ఆంధ్రజ్యోతి) : రాష్ట్రంలో గురు, శుక్రవారాల్లో తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది. కొన్ని జిల్లాల్లో అక్కడక్కడ భారీ వర్షాలు కురిసే అవకాశం ఉందని వెల్లడించింది. ఈనెల 11న నల్లగొండ, సూర్యాపేట, ఖమ్మం, భద్రాద్రి కొత్తగూడెం, ఆదిలాబాద్‌, ఆసిఫాబాద్‌, యాదాద్రి, మహబూబాబాద్‌, వరంగల్‌, వికారాబాద్‌, నారాయణపేట, మహబూబ్‌నగర్‌, వనపర్తి, జోగులాంబ గద్వాల జిల్లాలకు ఎల్లో అలెర్ట్‌ జారీ చేసింది.
ఈ జిల్లాల్లో ఉరుములు, మెరుపులతో పాటు గంటలకు 30-40 కిలోమీటర్ల వేగంతో వీచే ఈదురుగాలులతో కూడిన తేలిక పాటి నుంచి మోస్తరు వర్షాలు పడతాయని తెలిపింది.
