Anand Mahindra: స్కిల్‌ వర్సిటీ ఆటోమోటివ్‌ విభాగాన్ని దత్తత తీసుకుంటా
ABN , Publish Date - Aug 03 , 2024 | 05:14 AM
యంగ్‌ ఇండియా స్కిల్‌ యూనివర్సిటీలో ఆటోమోటివ్‌ విభాగాన్ని దత్తత తీసుకునేందుకు మహీంద్రా అండ్‌ మహీంద్రా గ్రూప్‌ చైర్మన్‌ ఆనంద్‌ మహీంద్రా అంగీకరించారు. త్వరలోనే తన సంస్థకు చెందిన బృందాన్ని యంగ్‌ ఇండియా స్కిల్‌ యూనివర్సిటీ పరిశీలనకు పంపుతానన్నారు.
సీఎం రేవంత్‌తో భేటీలో ఆనంద్‌ మహీంద్రా అంగీకారం
యంగ్‌ ఇండియా స్కిల్‌ యూనివర్సిటీలో ఆటోమోటివ్‌ విభాగాన్ని దత్తత తీసుకునేందుకు మహీంద్రా అండ్‌ మహీంద్రా గ్రూప్‌ చైర్మన్‌ ఆనంద్‌ మహీంద్రా అంగీకరించారు. త్వరలోనే తన సంస్థకు చెందిన బృందాన్ని యంగ్‌ ఇండియా స్కిల్‌ యూనివర్సిటీ పరిశీలనకు పంపుతానన్నారు. శుక్రవారం సీఎం రేవంత్‌రెడ్డితో ఆయన నివాసంలో భేటీ అయిన ఆనంద్‌ మహీంద్రా ఈ మేరకు తెలిపారు.
ఈ సందర్భంగా రాష్ట్రంలో పెట్టుబడులు, ఇతర అంశాలపైనా సీఎంతో ఆయన చర్చించారు. హైదరాబాద్‌లోని క్లబ్‌ మహీంద్రా హాలిడే రిసార్ట్‌ విస్తరణకూ ఆయన ముందుకొచ్చారు. ఇదిలా ఉండగా.. అమెరికా కాన్సులేట్‌ జనరల్‌ శుక్రవారం సీఎం రేవంత్‌రెడ్డిని ఆయన నివాసంలో మర్యాదపూర్వకంగా కలిశారు.
