Crime News: బైక్‌తో సహా వాగులో పడిన తండ్రీకూతురు.. చివరకు ఏమైందంటే?

సూర్యాపేట: తిరుమలగిరి మున్సిపాలిటీ అనంతారం బిక్కేరు వాగు వద్ద హృదయ విదారక ఘటన చోటు చేసుకుంది. ద్విచక్రవాహనంతో సహా తండ్రీకుమార్తె వాగులో పడిన ఘటనలో కుమార్తె మృతిచెందగా.. తండ్రికి తీవ్రగాయాలు అయ్యాయి. దీంతో స్థానికంగా విషాద వాతావరణం నెలకొంది.

అడ్డగూడూరు మండలం చిర్రగూడూరు గ్రామానికి చెందిన మొలుగూరి శివకుమార్ తన మూడేళ్ల కుమార్తె రిచితతో కలిసి సరదాగా గడిపేందుకు బిక్కేరు వాగు వద్దకు వెళ్లారు. కాసేపు పాపను ఆడించిన తండ్రి.. అనంతరం చిన్నారితో కలిసి బైక్‌పై కూర్చుని ఫోన్ మాట్లాడుతున్నాడు. ట్యాంక్‌పై కూర్చున్న చిన్నారి రిచిత సెల్ఫ్ స్టార్ట్ చేసి ఎక్స్‌లేటర్ ఇచ్చింది. దీంతో ఒక్కసారిగా ద్విచక్రవాహనంతో సహా ఇద్దరూ వాగులో పడిపోయారు. ప్రమాదంలో బాలిక అక్కడికక్కడే మృతిచెందింది. శివకుమార్‌కు తీవ్రగాయాలు అయ్యాయి. పాప మృతితో స్థానికంగా విషాదం నెలకొంది. బాలిక మృతదేహాన్ని చూసిన కుటుంబసభ్యులు, స్థానికులు కన్నీటి పర్యంతమయ్యారు.

ఇది కూడా చదవండి:

Hyderabad: బంపర్ ఆఫర్.. గంజాయి పట్టిస్తే రూ.2లక్షలు రివార్డ్..