Payal Shankar: ఆ బీఆర్ఎస్ నేతతో నాకు ఎలాంటి సంబంధాలు లేవు

ఆదిలాబాద్: జిల్లాలో తమ ఎమ్మెల్యేల మధ్య గ్యాప్ ఏమీ లేదని బీజేపీ ఎమ్మెల్యే పాయల్ శంకర్ (Payal Shankar) తెలిపారు. సోమవారం నాడు బీజేపీ (BJP) కార్యాలయంలో ఆయన మీడియాతో మాట్లాడుతూ... ఆదిలాబాద్ బీజేపీ ఎంపీ టికెట్ ఎవరికి ఇచ్చినా అభ్యంతరం లేదని చెప్పారు. పార్టీ నిర్ణయమే తమకు శిరోధార్యమన్నారు. ఇంతకంటే తానేమీ చెప్పలేనని అన్నారు. బీఆర్ఎస్ నేత, మాజీ ఎంపీ నగేష్ కు తాను సపోర్ట్ చేయలేదని చెప్పారు నగేష్‌తో తనకు వ్యాపార సంబంధాలు లేవని స్పష్టం చేశారు. పార్టీ అన్ని ఆలోచించే నిర్ణయం తీసుకుంటుందని వివరించారు. జాతీయ నాయకత్వం ఎవరి ఒత్తిళ్లకు తల వంచదని అన్నారు. పార్లమెంట్ ఎన్నికల్లో బీజేపీ అత్యధికమ స్థానాలు గెలుచుకుంటుందని పాయల్ శంకర్ ధీమా వ్యక్తం చేశారు.

మరిన్ని తెలంగాణ వార్తల కోసం ఇక్కడ క్లిక్ చేయండి