Airport: శంషాబాద్‌ ఎయిర్‌పోర్టుకు రెండు జాతీయ అవార్డులు
ABN , Publish Date - Sep 20 , 2024 | 04:56 AM
శంషాబాద్‌ అంతర్జాతీయ విమానాశ్రయానికి రెండు జాతీయ అవార్డులు లభించినట్టు జీఎంఆర్‌ అధికారులు గురువారం తెలిపారు.
శంషాబాద్‌ రూరల్‌, సెప్టెంబరు 19: శంషాబాద్‌ అంతర్జాతీయ విమానాశ్రయానికి రెండు జాతీయ అవార్డులు లభించినట్టు జీఎంఆర్‌ అధికారులు గురువారం తెలిపారు. భారత పరిశ్రమ సమాఖ్య (సీఐ ఐ) ఆధ్వర్యంలో ఈ నెల 12న నిర్వహించిన ఎక్సలెన్స్‌ ఇన్‌ మేనేజ్‌మెంట్‌ 25వ జాతీయ అవార్డు ప్రదానోత్సవ కార్యక్రమంలో శంషాబాద్‌ ఎయిర్‌పోర్టుకు ‘నేషనల్‌ ఎనర్జీ లీడర్‌’, ‘ఎక్సలెంట్‌ ఎనర్జీ ఎఫిషియెంట్‌ యూనిట్‌’ అవార్డులు దక్కినట్లు చెప్పారు.
వరుసగా ఆరోసారి నేషనల్‌ ఎనర్జీ లీడర్‌ అవార్డు, 8వసారి ఎక్సలెన్స్‌ ఎఫిషియెంట్‌ యూనిట్‌ అవార్డు దక్కినట్లు తెలిపారు. ఈ అవార్డులు రావడం పట్ల జీఎంఆర్‌ సీఈవో ప్రదీప్‌ ఫణికర్‌ హర్షం వ్యక్తం చేశారు.
