Former CJI DY Chandrchud: చవితి వేడుకలకు ప్రధాని హాజరు స్పందించిన రిటైర్డ్ సీజేఐ జస్టిస్ డీవై చంద్రచూడ్

న్యూఢిల్లీ, ఫిబ్రవరి 13: భారత న్యాయ వ్యవస్థపై ప్రజలకు అచంచలమైన విశ్వాసం ఉందని సుప్రీంకోర్టు మాజీ ప్రధాన న్యాయమూర్తి జస్టిస్ డీవై చంద్రచూడ్ స్పష్టం చేశారు. బీబీసీ నిర్వహించే హార్డ్ టాక్‌ కార్యక్రమంలో ఆ సంస్థ ప్రతినిధి స్టీఫెన్ సకూర్ అడిగిన పలు ప్రశ్నలకు జస్టిస్ డీవై చంద్రచూడ్ తనదైన శైలిలో సమాధానమిచ్చారు. అందులో ఆర్టికల్ 370 రద్దు నుంచి ఆయన ఇంట గణేష్ చతుర్ధి వేడుకల్లో ప్రధాని మోదీ పాల్గొనడం వరకు అడిగిన అన్ని ప్రశ్నలకు జస్టిస్ చంద్రచూడ్ చాలా హుందాగా సమాధానమిచ్చారు.

భారత న్యాయవ్యవస్థ.. ఉన్నత వర్గాలు, హిందూ అగ్రవర్ణ పురుషుల ఆధిప్యంలో ఉందా? అని స్టీఫెన్ సకూర్ ప్రశ్నకు జస్టిస్ చంద్రచూడ్ ఏకీభవించలేదు. దేశ న్యాయ వ్యవస్థకు మూలాధారమైన జిల్లా న్యాయ వ్యవస్థను ఓ సారి పరిశీలిస్తే.. దేశంలోని వివిధ రాష్ట్రాల్లో చేరే వారిలో 50 శాతానికి పైగా మహిళలు ఉన్నారన్నారు. అంతేకాదు.. దేశంలో 60 నుంచి 70 శాతం మేర.. మహిళలు న్యాయ వ్యవస్థలో చేరుతోన్నారని ఆయన వివరించారు. దేశంలో మహిళలకు సైతం న్యాయ విద్య చేరువైందని చెప్పారు. జిల్లా స్థాయి న్యాయ వ్యవస్థలో మహిళ సంఖ్య పెరుగుతోందన్నారు. అలాగే మహిళలు సైతంపైకి ఎదుగుతోన్నారని ఆశాభవం వ్యక్తం చేశారు.

అదీకాక తన తండ్రి వైవీ చంద్రచూడ్.. తాను భారత ప్రధాన న్యాయమూర్తిగా ఉన్నంత కాలం న్యాయస్థానంలో అడుగు పెట్ట వద్దని తనతో తరచూ చెప్పే వారని ఈ సందర్భంగా ఆయన గుర్తు చేసుకున్నారు. అందుకే తాను హార్వర్డ్ లా స్కూల్‌‌లో మూడు సంవత్సరాలు చదువుకొన్నానని తెలిపారు. అలా తన తండ్రి పదవీ విరమణ అనంతరం తాను తొలిసారిగా కోర్టులో అడుగు పెట్టానని చెప్పారు. దేశ న్యాయ వ్యవస్థను ఓ సారి పరిశీలిస్తే.. చాలా మంది న్యాయవాదులు, న్యాయమూర్తులు.. ఈ వృత్తిలోని తొలిసారి ప్రవేశించిన వారేనని ఆయన పేర్కొన్నారు.

ప్రధాని మోదీ ప్రభుత్వ హయాంలో సుప్రీంకోర్టు చీఫ్ జస్టిస్‌గా మీరేమైనా రాజకీయ ఒత్తిళ్లను ఎదుర్కోవలసి వచ్చిందా? అంటూ అధికార బీజేపీ తన సొంత రక్షణ కోసం కోర్టుపై మొగ్గు చూపిందంటూ న్యూయార్క్ టైమ్స్ సంపాదకీయాన్ని బీబీసీ ప్రతినిధి సకూర్ ఉటంకిస్తూ ప్రశ్నించగా.. డీవై చంద్రచూడ్ సమాధాన మిస్తూ.. 2024లో జరిగిన సార్వత్రిక ఎన్నికల ఫలితాల్లో.. భారత్‌లో ఏకపక్షంగా ఉంటాయనే ఓ అపోహను సైతం తొలగించాయన్నారు. ఆ క్రమంలో దేశంలోని రాష్ట్రాలను పరిశీలిస్తే.. చాలా రాష్ట్రాల్లో ప్రాంతీయ పార్టీలు ఉన్నాయన్నారు. అవి ఈ ఎన్నికల్లో ప్రభావం చూపాయని.. అవి రాష్ట్రాలను సైతం పాలిస్తున్నాయని సోదాహరణగా వివరించారు. పరువు నష్టం కేసులో లోక్ సభలో ప్రతిపక్ష నేత రాహుల్ గాంధీకి శిక్ష విధించడంపై ప్రశ్నించగా.. సుప్రీంకోర్టు తీర్పును ఆ తర్వాత పాజ్ చేసిందని గుర్తు చేశారు.

జమ్మూ కాశ్మీర్‌ ప్రత్యేక హోదా కల్పించిన ఆర్టికల్ 370ని సుప్రీంకోర్టు తన తీర్పు ద్వారా రద్దు చేసింది. దేశ అత్యున్నత న్యాయస్థానం ఇచ్చిన తీర్పుతో ప్రముఖ న్యాయవాదులంతా తీవ్ర నిరాశకు గురయ్యారని బీబీసీ ప్రతినిధి పేర్కొనగా.. దీనికి జస్టిస్ డీవై చంద్రచూడ్ స్పందిస్తూ.. జమ్మూ కాశ్మీర్‌లో ప్రజాస్వామ్య ప్రక్రియను పునరుద్ధరించాలని.. ప్రజాస్వామ్యబద్ధంగా ఎన్నికైన ప్రభుత్వం ప్రస్తుతం అమలులో ఉందన్నారు. శాంతియుతంగా అధికారం బదలాయింపు జరిగిందని పేర్కొన్నారు. జమ్మూ కాశ్మీర్‌లో ప్రజాస్వామ్యం విజయవంతమైందనడానికి ఇది ఒక స్పష్టమైన సూచిక అని ఆయన అభివర్ణించారు.

ఇక గతేడాది సుప్రీంకోర్టు ప్రధాన న్యాయమూర్తి జస్టిస్ డీవై చంద్రచూడ్ నివాసంలో గణేష్ చతుర్ధి వేడుకలు ఘనంగా జరిగాయి. ఈ వేడుకల్లో ప్రధాని నరేంద్ర మోదీ పాల్గొన్నారు. ఈ అంశంపై ప్రతిపక్ష పార్టీల నేతలు విమర్శలు గుప్పించిన విషయం తెలిసిందే. దీనిపై జస్టిస్ డీవై చంద్రచూడ్ ప్రశ్నించగా.. ఇటువంటి అంశాల్లో అత్యున్నత రాజ్యాంగ సంస్థలు.. మన వ్యవస్థలో హుందాగా వ్యవహరిస్తోందని తాను భావిస్తానని ఆయన స్పష్టం చేశారు. అలాగే సుప్రీంకోర్టు ప్రధాన న్యాయమూర్తిగా జస్టిస్ డీవై చంద్రచూడ్ హయాంలో వెలువరించిన తీర్పులపై బీబీసీ ప్రతినిధి సంధించిన ప్రశ్నలకు ఆయన సమాధానమిచ్చారు.

For National News And Telugu news