Flights Delayed: ప్రయాణికులకు అలర్ట్.. దాదాపు 200 విమానాలు ఆలస్యం, రద్దు

విమాన ప్రయాణికులకు అలర్ట్ వచ్చేసింది. ఎందుకంటే ప్రతికూల వాతావరణం కారణంగా శుక్రవారం ఉదయం ఢిల్లీ (Delhi) విమానాశ్రయంలో దాదాపు 200కు పైగా విమానాలు (flights) ఆలస్యంగా నడిచాయి. ఈ మేరకు ఓ అధికారి ప్రకటించారు. దేశ రాజధానిలో దట్టమైన పొగమంచు (fog) కారణంగా దృశ్యమానత తగ్గిందన్నారు. ఈ కారణంగా 200కి పైగా విమానాల నిర్వహణలో జాప్యం జరిగిందని, ప్రస్తుతం ఏ విమానాన్ని కూడా మళ్లించలేదన్నారు.

వాహనాల వేగం

ఈరోజు దట్టమైన పొగమంచు కారణంగా రోడ్లపై వాహనాల వేగం కూడా నిదానంగా కనిపించింది. పొగమంచు కారణంగా వాతావరణ శాఖ ఆరెంజ్ అలర్ట్ కూడా జారీ చేసింది. దట్టమైన పొగమంచు కారణంగా విమానాల రాకపోకలపై ప్రభావం పడుతుందని స్పైజెట్ తెలిపింది. పొగమంచు ప్రభావం అమృత్‌సర్, గౌహతి నుంచి వచ్చే అన్ని విమానాలపై కనిపించింది. దీని కారణంగా అనేక విమానాలు ప్రభావితమయ్యాయి. ఈ సమయంలో ప్రయాణించే ప్రయాణీకులందరూ తమ తమ విమానాల టైమ్ టేబుల్‌ను తప్పనిసరిగా గమనించాలని ఎయిర్‌లైన్స్ ప్రకటించింది. వాతావరణం ఇలాగే కొనసాగితే, తక్కువ దృశ్యమానత కారణంగా విమానాలు రద్దు చేయబడవచ్చని కూడా వెల్లడించారు.

ల్యాండింగ్, టేకాఫ్

ప్రస్తుతం ఢిల్లీ విమానాశ్రయంలో ల్యాండింగ్, టేకాఫ్ జరుగుతోంది. వీటిలో CAT IIIకి అనుగుణంగా లేని విమానాలు మాత్రమే ఉన్నాయి. అటువంటి విమానాలు వారి షెడ్యూల్ సమయానికి ప్రభావితమవుతాయి. ఈరోజు దట్టమైన పొగమంచు కారణంగా ఢిల్లీ విమానాశ్రయంలో దృశ్యమానత సున్నాగా ఉంది. ఈ కారణంగా ఢిల్లీ విమానాశ్రయంలోని రన్‌వేపై టేకాఫ్, ల్యాండింగ్‌లో పైలట్లు ఇబ్బందులు ఎదుర్కొంటున్నారు. ఈ క్రమంలో ఢిల్లీ విమానాశ్రయంలో కొన్ని విమానాలు రద్దు చేయబడ్డాయి. దీంతో ఢిల్లీ విమానాశ్రయంలో దేశీయ, అంతర్జాతీయ విమానాలు రెండూ ప్రభావితమయ్యాయి.

ప్రయాణికులకు అలర్ట్

ఢిల్లీ ఇంటర్నేషనల్ ఎయిర్‌పోర్ట్ లిమిటెడ్ (DIAL) ఉదయం 6.35 గంటలకు సోషల్ మీడియా ప్లాట్‌ఫామ్ 'X'లో ఒక పోస్ట్‌ చేసింది. ఢిల్లీ విమానాశ్రయంలో 'ల్యాండింగ్', 'టేకాఫ్' కొనసాగుతున్నప్పటికీ, పలు విమానాలు CAT ద్వారా నిర్వహించబడుతున్నాయని పేర్కొంది. విమాన రాకపోక సమాచారం కోసం ప్రయాణికులు సంబంధిత విమానయాన సంస్థలను సంప్రదించవలసిందిగా అభ్యర్థించారు. అసౌకర్యానికి చింతిస్తున్నామని వెల్లడించింది.

CAT III అంటే ఏమిటి?

CAT III అనేది ఒక రకమైన ఎయిర్‌క్రాఫ్ట్ అప్రోచ్ సిస్టమ్. ప్రతికూల వాతావరణంలో రన్‌వేపై విమానాన్ని సురక్షితంగా ల్యాండ్ చేయడానికి ఇది సహాయపడుతుంది. దట్టమైన పొగమంచు లేదా వర్షపు వాతావరణంలో విమానాలను ల్యాండింగ్ చేయడానికి ఇది ప్రత్యేకంగా రూపొందించబడింది.

ఇవి కూడా చదవండి:

Train Accident: రైల్వే ట్రాక్‌పై కూర్చుని పబ్‌జీ ఆడిన కుర్రాళ్లు.. రైలు ఢీకొని ముగ్గురు..

Tax Relief: పన్ను చెల్లింపుదారులకు గుడ్ న్యూస్.. 87A పన్ను మినహాయింపు క్లెయిమ్ చేసుకునే ఛాన్స్

Personal Finance: జస్ట్ నెలకు రూ. 3500 సేవ్ చేస్తే.. రూ. 2 కోట్లు మీ సొంతం..

Investment Tips: రూ. 20 వేల శాలరీ వ్యక్తి.. ఇలా రూ. 6 కోట్లు సంపాదించుకోవచ్చు..

Personal Finance: రూ. 10 వేల పొదుపుతో రూ. 7 కోట్ల సంపాదన.. ఎలాగో తెలుసా..

Read More National News and Latest Telugu News