Special Shows: ‘గేమ్‌ ఛేంజర్‌’ సినిమా స్పెషల్‌ షోలు రద్దు
ABN , Publish Date - Jan 12 , 2025 | 04:37 AM
గ్లోబల్‌ స్టార్‌ రామ్‌చరణ్‌ హీరోగా స్టార్‌ డైరెక్టర్‌ శంకర్‌ తెరకెక్కించిన ‘గేమ్‌ చేంజర్‌’ సినిమా స్పెషల్‌ షోలను రద్దు చేస్తూ శనివారం రాష్ట్ర ప్రభుత్వం ఉత్తర్వులను జారీ చేసింది.
హైకోర్టు సూచనల మేరకు ప్రభుత్వ ఉత్తర్వులు
హైదరాబాద్‌, జనవరి 11 (ఆంధ్రజ్యోతి): గ్లోబల్‌ స్టార్‌ రామ్‌చరణ్‌ హీరోగా స్టార్‌ డైరెక్టర్‌ శంకర్‌ తెరకెక్కించిన ‘గేమ్‌ చేంజర్‌’ సినిమా స్పెషల్‌ షోలను రద్దు చేస్తూ శనివారం రాష్ట్ర ప్రభుత్వం ఉత్తర్వులను జారీ చేసింది. టికెట్‌ ధరల పెంపు, ప్రత్యేక ప్రదర్శనలపై శనివారం హైకోర్టులో విచారణ జరిగింది. పుష్ప- 2 చిత్రం బెనిఫిట్‌ షో సందర్భంగా సంధ్య థియేటర్‌లో జరిగిన తొక్కిసలాటలో రేవతి అనే మహిళ మృతి చెందగా, ఆమె కుమారుడు శ్రీతేజ గాయపడి ఆసుపత్రిలో చికిత్స పొందుతున్న విషయం తెలిసిందే.
దీంతో బెనిఫిట్‌ షోలను ప్రభుత్వం రద్దు చేసింది. అయితే బెనిఫిట్‌ షో రద్దు చేసి స్పెషల్‌ షోలకు అనుమతి ఇవ్వడాన్ని న్యాయస్థానం ఆక్షేపించింది. దీంతో ఆ షోలను ప్రభుత్వం రద్దు చేస్తూ ఉత్తర్వులను ఇచ్చింది. ఆదివారం నుంచి గేమ్‌ చేంజర్‌ సినిమా స్పెషల్‌ షోలు నిలిచిపోనున్నాయి.
