Sajjala: ప్రజలకు ఇబ్బంది కలిగించొద్దు

అమరావతి: అధికారంలోకి వచ్చిన పార్టీలు.. అధికారంలోకి రావాలనుకుంటున్న పార్టీలు ప్రజలకు ఇబ్బంది కలిగించొద్దని ఏపీ ప్రభుత్వ సలహాదారు సజ్జల రామకృష్ణారెడ్డి(Sajjala Ramakrishna Reddy) హితవు పలికారు. ఆయన మీడియాతో మాట్లాడారు. ‘‘గతంలో చంద్రబాబు ఎన్నోసార్లు రోడ్ బ్లాక్ చేశారు. ఈ మధ్యనే పవన్ కళ్యాణ్(Pawan Kalyan) ఇప్పటంలో ఏం చేశారో చూశాం. ప్రభుత్వం మొత్తం ప్రజల బాగోగులను చూడాలి. శతాబ్దాల పాటు లేని సర్వేను ఇప్పుడు చేస్తున్నాం. ప్రజలకు ఈ విధానం వల్ల ప్రజలకు మంచి జరుగుతుంది. క్రెడిట్ అంతా రెవెన్యూ ఉద్యోగులకు వస్తుంది. రైతులకు హ్యాండ్ హోల్డింగ్ ద్వారా క్యాలెండర్ పెట్టి గవర్నమెంట్ నుంచి అందిస్తున్నాం. ఆర్థిక సంక్షోభాన్ని అందరూ అర్థం చేసుకుంటున్నారు. సమైక్యం కోసం నిలబడ్డ ఏకైక పార్టీ వైసీపీ(ycp). అలాంటి మా మీద సుప్రీం కోర్టులో లాయర్ చేసిన వ్యాఖ్యతో కార్నర్ చేశారు. ఇప్పటికే పొంగి వెళ్లిపోయిన నీరు తిరిగిరాదు. వలంటీర్ వ్యవస్థను విమర్శించే హక్కు చంద్రబాబు (Chandrababu)కు లేదు.’’ అని సజ్జల వ్యాఖ్యానించారు.