TRS MLA Challenge: బండి సంజయ్‌కు పైలట్ రోహిత్ రెడ్డి సవాల్

హైదరాబాద్: బీజేపీ రాష్ట్ర అధ్యక్షులు బండి సంజయ్ చేసిన వ్యాఖ్యలపై టీఆర్ఎస్ ఎమ్మెల్యే పైలట్ రోహిత్ రెడ్డి సవాల్ (TRS MLA Pilot Rohit Reddy challenges BJP State President Bandi Sanjay) విసిరారు. ఈరోజు చార్మినార్ భాగ్యలక్ష్మి టెంపుల్‌ (Charminar Bhagyalaxmi Temple)కు ఎమ్మెల్యే వెళ్లనున్నారు. బెంగళూరు డ్రగ్స్ కేసు (Banglore Drugs Case)లో తనకు సంబంధం ఉందంటూ బండి సంజయ్ చేసిన వ్యాఖ్యలను రోహిత్ రెడ్డి తీవ్రంగా ఖండించారు. ఈడీ (Enforcement Directorate)తనకు నోటీసు ఇస్తుందన్న విషయంపై బండి సంజయ్‌కు ముందే ఎలా తెలిసిందని ప్రశ్నించారు. యాదగిరిగుట్ట ఆలయం (Yadagirigutta Temple)లో తడి బట్టలతో ప్రమాణం చేద్దాం రా అంటూ రోహిత్ పిలుపునిచ్చారు. బెంగళూరు డ్రగ్స్ కేసుతో తన ఎలాంటి సంబంధం లేదని స్పష్టం చేశారు. అక్కడి అధికారులు ఎవరూ తనను విచారణకు పిలవలేదని మీడియాకు క్లారిటీ ఇచ్చారు. బండి సంజయ్‌కు సవాల్ చేసేందుకు పైలట్ రోహిత్ రెడ్డి భాగ్యలక్ష్మి ఆలయానికి వెళ్లనున్నారు.