Devineni Challenge: సీఎం జగన్‌కు దేవినేని సెల్ఫీ ఛాలెంజ్

అమరావతి: రాష్ట్రంలోని గ్రామాల్లో తాగునీటి సమస్యలపై ముఖ్యమంత్రి వైఎస్ జగన్ మోహన్ రెడ్డికి (AP CM YS Jaganmohan Reddy) టీడీపీ నేత, మాజీ మంత్రి దేవినేని ఉమా (TDP Leader Devineni Uma) సెల్ఫీ ఛాలెంజ్ విసిరారు. గ్రామాల్లో తాగటానికి మంచి నీళ్లు లేని దౌర్భాగ్య పరిస్థితి ఏర్పడిందని మండిపడ్డారు. పారిశుద్ధ్యం మౌలిక వసతులు అద్వాన్నంగా ఉన్నాయన్నారు. మైలవరం పట్టణం, కొండపల్లి మున్సిపాలిటీలో తాగడానికి నీళ్లు లేక ప్రజల అవస్థలు పడుతున్నారని తెలిపారు. ప్రజా సమస్యలను పాలకపక్షం గాలికి వదిలేసిందని మండిపడ్డారు. ఇసుక, మట్టి, కొండలు గుట్టలు దోచుకోవడంలో ఉన్న శ్రద్ధ పేదవాడికి మంచినీళ్లు ఇవ్వడంలో లేదని విమర్శించారు. ఎన్టీఆర్ జిల్లా మైలవరం నియోజకవర్గం పుల్లూరులో సీఎం జగన్‌కు దేవినేని ఉమా సెల్ఫీ ఛాలెంజ్ విసిరారు.