Sajjala: చంద్రబాబు నాటకంలో పవన్, పురందేశ్వరి పాత్రధారులు

అమరావతి: టీడీపీ (TDP), జనసేనపై (Janasena) ఏపీ ప్రభుత్వ సలహాదారు సజ్జల రామకృష్ణారెడ్డి (Sajjala Ramakrishna Reddy) విమర్శలు గుప్పించారు. ఆయన మీడియాతో మాట్లాడారు. ‘‘టీడీపీ, జనసేన మరో కొత్త నాటకం మొదలు పెట్టారు. మేనిఫెస్టో పేరుతో నాటకం ఆడుతున్నారు. ప్రజల చెవిలో పూలు పెడుతున్నారు. ఇవన్నీ పొద్దుపోని విన్యాసాలు. రాష్ట్ర ప్రజలు అంటే వారికి ఎగతాళి అయ్యింది. టీడీపీ, జనసేన సమావేశాలు ఇదో నాటకం. ఇక్కడ టీడీపీ, జనసేన పొత్తు.. తెలంగాణలో బీజేపీ, జనసేన పొత్తు. కాంగ్రెస్‌కి తెలంగాణలో టీడీపీ మద్దతు. పవన్‌కళ్యాణ్ (Pawan kalyan) ఒకేసారి ఎంత మందితో సంసారం చేస్తారు. పురందేశ్వరి చంద్రబాబు (Chandrababu) అజెండా ఎత్తుకున్నారు. 2014 మోసం చేశాం.. 2024లో కూడా మోసం చేద్దామనే బరితెగింపు కనిపిస్తుంది. చంద్రబాబు నాటకంలో పవన్, పురందేశ్వరి పాత్రదారులు.’’ అని సజ్జల విమర్శించారు.