Skill Case : స్కిల్ కేసులో కీలక పరిణామం..
ABN , First Publish Date - 2023-11-06T22:51:57+05:30 IST
తెలుగు రాష్ట్రాల్లో పెను సంచలనం సృష్టించిన స్కిల్ డెవలప్మెంట్ కేసులో కీలక పరిణామం చోటుచేసుకుంది. కేసులో నిందితుడిగా ఉన్న..
తెలుగు రాష్ట్రాల్లో పెను సంచలనం సృష్టించిన స్కిల్ డెవలప్మెంట్ కేసులో కీలక పరిణామం చోటుచేసుకుంది. కేసులో నిందితుడిగా ఉన్న ఘంటా వెంకట సత్యభాస్కర్ ప్రసాద్‌కి.. ముందస్తు బెయిల్ కొనసాగిస్తూ సుప్రీంకోర్టు ఆదేశాలు జారీచేసింది. ఈ మేరకు జస్టిస్ అభయ్ ఎస్ ఒఖా, జస్టిస్ పంకజ్ మిట్టల్ ధర్మాసనం ఉత్తర్వులు జారీ చేసింది. ఆగస్టు- 23న ఘంటా ప్రసాద్‌కి ముందస్తు బెయిల్ మంజూరు చేసిన సంగతి తెలిసిందే. తాజాగా మరోసారి ఈ బెయిల్‌ను కొనసాగించడం జరిగింది. గతంలో ఇచ్చిన విధించిన షరతులే కొనసాగుతాయని ధర్మాసనం స్పష్టం చేసింది. ప్రసాద్ విచారణకు అన్ని విధాలుగా సహకరిస్తున్నందున ముందస్తు బెయిల్ కొనసాగిస్తున్నట్లు కోర్టు తెలిపింది.
